Zouma ទម្លាយថា Mourinho ធ្លាប់ស្ដីឲ្យថា លេងអន់ដូចសំរាម

2020-02-14 14:01:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារសញ្ជាតិបារាំង Kurt Zouma បាននិយាយទៅកាន់សារព័ត៌មាន RMC Sport នាពេលថ្មីៗនេះថា លោក Jose Mourinho ធ្លាប់ឲ្យចំៗថាគេលេងដូចសំរាម កាលពីបុរសព័រទុយហ្គាល់រូបនេះកាន់ Chelsea។

កីឡាកររូបនេះបាននិយាយថា៖ " ខ្ញុំមិនចាំថានៅក្នុង ការប្រកួតមួយណាទេ ដឹងតែនៅក្នុងការប្រកួតនោះខាងក្លឹបខ្ញុំប្រកួតចាញ់ ៣-១។ បន្ទាប់ពីមួយថ្ងៃក្រោយការប្រកួតនោះលោក Mourinho បានហៅខ្ញុំទៅការិយាល័យគាត់ ហើយស្ដីឲ្យខ្ញុំថា លេងអន់ដូចសំរាមអញ្ចឹង "។

Zouma បានបន្ត ៖ " ឮអញ្ចឹងហើយ ខ្ញុំអន់ចិត្តយ៉ាងខ្លាំង ប៉ុន្តែទោះជាយ៉ាងណាខ្ញុំនឹងបញ្ជាក់ទៅគាត់វិញក្នុងពេលប្រកួតម្ដងៗ "។

យ៉ាងណាមិញ កីឡាករបារាំងរូបនេះ នៅតែនិយាយការពារ Mourinho ថា អ្នកចាត់ការក្លឹប Tottenham Hotspur រូបនេះ ខំប្រឹងធ្វើយ៉ាងណាឲ្យតែក្រុមបានឈ្នះ។

សូមរំលឹកផងដែរថា Zouma លេងបាន ១០១ប្រកួតនិងរកបាន ៥គ្រាប់នៅក្លឹប Chelsea ថែមទាំងឈ្នះបានពានមួយចំនួនផងដែរ ហើយនៅរដូវកាលនេះ គេបានបង្ហាញខ្លួនយ៉ាងទៀងទាត់ឲ្យក្លឹបតោខៀវ៕

ប្រភព៖ Goal ប្រែសម្រួល៖ ហ៊ីម រស្មី