Ronaldo ចង់ទៅចិន ដើម្បីលើកទឹកចិត្តក្រុមគ្រូពេទ្យ និងអ្នកជំងឺ Corona

2020-02-21 04:14:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធព័រទុយហ្គាល់ ដែលសព្វថ្ងៃកំពុងតែប្រកបអាជីពរបស់ខ្លួននៅលីគកំពូលអ៊ីតាលី គឺកីឡាករ Cristiano Ronaldo បាននិយាយទៅកាន់អ្នកគាំទ្ររបស់ខ្លួនក្នុងវីដេអូផ្សាយផ្ទាល់មួយថា៖ «ពិតណាស់បើសិនជាខ្ញុំមានឱកាសឥឡូវនេះ ខ្ញុំនឹងផ្ដល់ការអោបដ៏កក់ក្ដៅមួយទៅដល់ប្រជាជនចិនដែលពួកគេកំពុងតែរងទុក្ខផងដែរ។ ខ្ញុំបានអធិដ្ឋានសម្រាប់ពួកគេហើយខ្ញុំសង្ឃឹមថានឹងបានទៅប្រទេសចិនម្ដងទៀតនៅក្នុងឆ្នាំនេះឬក៏ឆ្នាំក្រោយដែលជាប្រទេសគួរឲ្យស្រលាញ់»។

នៅក្នុងវីដេអូជិត៣០វិនាទីមួយដែលបានផុសដោយ China Daily កីឡាករឆ្នើមរូបក៏បានរៀបរាប់ពីមិត្តភក្តិរបស់លោកផងដែរ នោះគឺលោក Wu Lei ដែលលោកនឹងទៅសួរសុខទុក្ខនៅពេលដែលលោកទៅចិន។

រំលឹកផងដែរថា គិតត្រឹមពេលនេះ មេរោគកូរ៉ូណាថ្មី ឬCOVID-19 ត្រូវបានគេរកឃើញក្នុង២៩ប្រទេស មានអ្នកឆ្លងប្រមាណ ៧៦ ០០០នាក់និងអ្នកស្លាប់កើនដល់ ២២៤៥នាក់ហើយ ក្នុងរយៈពេលជិត២ខែតែប៉ុណ្ណោះ៕

អត្ថបទ៖ Yorn Sovieth