បែ មករា៖ បើមានអ្នកគាំទ្រច្រើនដូចបឹងកេតប៉ះវិសាខា យើងនឹងពិចារណាធ្វើកន្លែងអង្គុយបន្ថែម

2020-02-23 06:17:08
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក បែរ មករា អ្នកចាត់ការទូទៅក្លឹបបឹងកេត បានឱ្យ Sabay ដឹងថា បើមានអ្នកគាំទ្រចូលរួមទស្សនាច្រើន ស្ទើរគ្រប់ការប្រកួតដូចបឹងកេតប៉ះវិសាខា នោះលោកនឹងពិចារណាធ្វើកន្លែងអង្គុយបន្ថែមទៀត។

លោក បែ មករា អ្នកចាត់ការទូទៅក្លឹបបឹងកេត

សម្ដីរបស់លោក បែ មករា ៖«យើងឃើញអ្នកគាំទ្រច្រើន បើមានការគាំទ្រច្រើនស្ទើរគ្រប់ការប្រកួត ដូចបឹងកេតប៉ះវិសាខា អាហ្នឹងយើងនឹងពិចារណាធ្វើកន្លែងថែម»។

លោក បែ មករា អ្នកចាត់ការសំបូរបទពិសោធន៍ ជួយឱ្យបឹងកេតលើកពានលីគកំពូលកម្ពុជា ៣រដូលកាល និង Hun Sen Cup ១រដូវកាល បានសម្ដែងក្ដីរីករាយ និងអរគុណ នៅពេលឃើញអ្នកគាំទ្រច្រើន ក្នុងជំនួបបឹងកេតឈ្នះវិសាខា ១-០ កាលពីម្សិលមិញ។

ក្នុងជំនួបដ៏តានតឹងនេះដែរ កីឡដ្ឋាន Cambodia AirWays បានស្រូបអ្នកទស្សនាចំនួន ២ ៥០០ នាក់ ច្រើនជាងការរំពឹងទុក ខណៈក្លឹបប្រកាសលក់សំបុត្រត្រឹមតែ ២ ១០០ ប៉ុណ្ណោះ។ ដោយគ្មានសំបុត្រ និងកន្លែងមានកំណត់ អ្នកគាំទ្រជាច្រើនបានត្រឡប់ទៅផ្ទះវិញ ហើយខ្លះទៀតបានឈរមើលក្រោមកម្ដៅថ្ងៃតាមរបងកីឡដ្ឋាន។

ក្នុងសប្ដាហ៍ទី២នេះ បឹងកេតបានស្គាល់ជ័យជម្នះជាលើកដំបូង ខណៈការប្រកួតសប្ដាហ៍ទី១ បានត្រឹមស្មើជាមួយម្ចាស់ផ្ទះ Angkor Tiger ១-១ ប៉ុណ្ណោះ៕