ប្លែក! ច្នៃ Prius ដាក់ម៉ាស៊ីនម៉ាស៊ូត លាន់សំឡេងរងំ

2020-03-02 09:32:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាច្រើនឆ្នាំមកហើយ រថយន្ត Toyota Prius ត្រូវបានគេស្គាល់ថាជារថយន្តបរិស្ថានមួយ ដោយមានបញ្ចេញកម្រិតឧស្ម័នពុលទាប សន្សំសំចៃប្រេងឥន្ធនៈបានខ្ពស់ និងមានសំឡេងស្ងាត់រងំទៀតផង។ យ៉ាងណាក្ដី ម្ចាស់រថយន្ត Prius ម្នាក់ឈ្មោះ Ben Schulz បានធ្វើការកែច្នៃ Prius របស់ខ្លួន ខុសប្លែកពីគេតែម្ដង។

ដោយចង់បង្កើតអ្វីដែលប្លែកគេនោះ Schulz បានបំពាក់រថយន្ត Prius ពណ៌ទឹកប្រាក់របស់ខ្លួន ជាមួយម៉ាស៊ីនម៉ាស៊ូត Turbo ម៉ូដែល 4BT Cummins ដែលត្រូវនឹងប្រឡោះម៉ាស៊ីនរបស់ Prius យ៉ាងល្អ។ រថយន្តប្លែកគេនេះដែរ បានបំពាក់នូវបំពង់ស៊ីមាំងនិងត្រង់ទីតាំងម៉ាស៊ីនតែម្ដង។

4BT Cummins គឺជាម៉ាស៊ីនម៉ាស៊ូត Turbo មានចំណុះ ៣,៩ លីត្រ មានបួនស៊ីឡាំង អាចបង្កើតកម្លាំងបាន ១០៥ សេះ។ ម្ចាស់រថយន្តនេះ បានដាក់ឈ្មោះរថយន្តរបស់ខ្លួនថា PriCum ដោយជាការរួមបញ្ចូលនៃពាក្យ Prius និង Cummins។

ទស្សនាវីដេអូខាងក្រោម ៖