Twitter ឲ្យបុគ្គលិកជិត ៥០០០ នាក់នៅជុំវិញពិភពលោក ធ្វើការពីផ្ទះ

2020-03-03 08:33:39
ចំនួនមតិ 0 | ចំនួនចែករំលែក 0

ចន្លោះមិនឃើញ

បណ្ដាញទំនាក់ទំនង Twitter បានលើកទឹកចិត្តពេញទីដល់បុគ្គលិកជិត ៥ ពាន់នាក់នៅទូទាំងពិភពលោកឲ្យធ្វើការពីផ្ទះដោយព្រួយបារម្ភអំពីការរីករាលដាលនៃវីរុសកូរ៉ូណា។

ការប្រកាសនេះធ្វើឡើងលើវិបសាយផ្លូវការរបស់ Twitter នាថ្ងៃទី ២ ខែមីនា ដែលជាផ្នែកមួយនៃការប្រកាសអំពីការដកខ្លួនចេញពីសន្នីសីទ South by Southwest ដែលគ្រោងនឹងប្រព្រឹត្តទៅនាចុងខែមីនា នៅរដ្ឋតិចសាស់។

បុគ្គលិកដែលធ្វើការនៅហុងកុង ជប៉ុន និងកូរ៉េខាងត្បូងត្រូវបង្ខំចិត្តធ្វើការពីផ្ទះ ប៉ុន្តែការិយាល័យរបស់ Twitter នៅតែបើកទទួលអតិថិជនដូចគ្នា។ ក្រៅពី Twitter មានក្រុមហ៊ុនបច្ចេកវិទ្យាជាច្រើនទៀតដែលបានឲ្យបុគ្គលិកធ្វើការពីផ្ទះ ពន្យារពេលការធ្វើដំណើរទៅក្រៅប្រទេសជាពិសេសទៅកាន់អាស៊ី និងមានខ្លះប្រកាសរំសាយ ឬពន្យារពេលកម្មវិធីធំប្រចាំឆ្នាំរបស់ខ្លួននៅអាមេរិក ដូចជា Facebook និង Alphabet ជាដើម៕

ប្រភព៖ vnexpress ប្រែសម្រួល៖ សុខហេង