ចេញរូបរាងពិត Pixel 4a ឌីហ្សាញរូបរាងស្អាតជាង Pixel 4

2020-03-04 01:48:43
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីចុងឆ្នាំកន្លងទៅគេបានឃើញរូបភាព Render ដែលបង្ហាញអំពីរូបរាងរបស់ Google Pixel 4a ដែលមានការឌីហ្សាញរូបរាងស្អាតបំផុត បើធៀបនឹង Google Pixel 4 និង Pixel 4 XL។

នាពេលនេះមានការលេចចេញរូបភាពកាន់ Google Pixel 4a នៅនឹងដៃ ដែលអាចបញ្ជាក់អំពីការឌីហ្សាញបង្ហាញតាមរយៈរូបភាព Render កន្លងមក។ រូបភាពថ្មីពីរសន្លឹកបានបង្ហាញអំពីផ្នែកខាងមុខមានចោះអេក្រង់បំពាក់កាមេរ៉ា Selfie និងមានស៊ុមអេក្រង់ស្ដើងស្អាត ចំណែកផ្នែកខាងក្រោយមានទ្រនាប់ស្កេនម្រាមដៃ និងកាមេរ៉ាមួយគ្រាប់ ហើយមាននូវអក្សរ "G” តំណាងឲ្យម៉ាក Google។

អំពីលក្ខណៈសម្បត្តិរបស់ Pixel 4a គេដឹងមិនច្រើននោះទេ ដោយរំពឹងថានឹងប្រើបន្ទះឈីប Snapdragon 730, ប្រើ RAM ទំហំ ៤GB, អង្គផ្ទុក ៦៤GB និងកាមេរ៉ាទំហំ ១២MP នៅផ្នែកខាងក្រោយ។ ប្រសិនបើមិនមានការផ្លាស់ប្ដូរទេនោះ Pixel 4a នឹងត្រូវប្រកាសចេញនាខែឧសភាខាងមុខ ក្នុងកម្មវិធី Google I/O៕

ប្រភព៖ PhoneArena ប្រែសម្រួល៖ សុខហេង