Google ប្រើវេទមន្តនៃ Software ចម្លងមុខងារ 3D Touch ពី iPhone មកដាក់លើ Pixel 4

2020-03-04 03:24:27
ចំនួនមតិ 0 | ចំនួនចែករំលែក 0

ចន្លោះមិនឃើញ

Google បានចាប់ផ្ដើមបញ្ចេញមុខងារថ្មីៗសម្រាប់ស្មាតហ្វូន Pixel កាលពីម្សិលមិញនេះ រួមមាន Motion Sense, មុខងារ Dark Mode ដែលល្អប្រសើរជាងមុន និងសមត្ថភាពដំណើរការ Google Pay បានកាន់តែលឿនជាងមុនជាដើម។ ប៉ុន្តែមានមុខងារមួយ ដែល Google មិនបានផ្សព្វផ្សាយគឺមុខងារចុចឲ្យយូរដើម្បីដំណើរការមុខងារផ្សេងៗ ស្រដៀងទៅនឹង 3D Touch របស់ Apple។

ត្បិតថាមិនបានផ្សព្វផ្សាយទូលំទូលាយមែន ប៉ុន្តែនៅលើវិបសាយផ្លូវការរបស់ខ្លួន Google បានប្រាប់ថាបន្ថែមពីលើការចុចឲ្យជាប់ធម្មតា អ្នកប្រើ Pixel 4 ពេលនេះ អាចធ្វើការចុចថ្នមៗលើអេក្រង់ ដើម្បីបង្ហាញចេញ Menu បន្ថែមបានកាន់តែលឿន។

វាគួរឲ្យចាប់អារម្មណ៍ត្រង់ថា Google អាចបង្កើតមុខងារនេះបាន ដោយមិនត្រូវការប្រើប្រាស់ Hardware ពិសេសនោះឡើយ។ Apple វិញ ត្រូវបង្កើតនូវ Haptic Engine ដែលជា Hardware ថ្មីមួយ ដើម្បីបង្កើតបានមុខងារ 3D Touch លើ iPhone៕

ប្រភព៖ Androidauthority ប្រែសម្រួល៖ សុខហេង