សម្លឹងមើលទូរសព្ទទីងងឹតអាចឈឺភ្នែក គួរធ្វើយ៉ាងណា?

2020-03-10 09:16:24
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រើប្រាស់ Smartphone និង Tablet ភាគច្រើនពិតជាមិនចង់ឃ្លាតឆ្ងាយពីឧបករណ៍សំណព្វចិត្តទាំងនេះនោះទេ។ មិនថាទៅកន្លែងណា នៅទីងងឹត ឬភ្លឺ ពួកគេតែងតែយកឧបករណ៍ទាំងនោះដាក់ជាប់ខ្លួនជានិច្ច។ ប៉ុន្តែការសម្លឹងមើលឧបករណ៍ទាំងនេះនៅទីកន្លែងងងឹត គឺអាចធ្វើឲ្យយើងឈឺភ្នែក ដូច្នេះខាងក្រោមនេះគឺជាគន្លឹះមួយចំនួនអាចជួយការពារការឈឺភ្នែកបានមួយភាគធំ៖

bigstock-tired-senior-man-rubs-eyes-50292716

កាត់បន្ថយពន្លឺនៅលើអេក្រង់ (Brightness)

វិធីដ៏ល្អមួយគឺបន្ថយពន្លឺនៅលើអេក្រង់ (Brightness) Smartphone និង Tablet។ នៅលើ Smartphone គឺមានកម្មវិធីស្រាប់សម្រាប់កំណត់នូវកម្រិតពន្លឺ ដូច្នេះអ្នកប្រើប្រាស់គួរបន្ថយពន្លឺកុំឲ្យភ្លឺខ្លាំងពេកដែលជាហេតុធ្វើឲ្យមានអាការៈឈឺភ្នែកបាន។ នៅលើទូរសព្ទ Smartphone ឬ Tablet ភាគច្រើនគឺគ្រាន់តែអូសផ្នែកខាងលើនៃអេក្រង់នឹងឃើញកន្លែងកំណត់ Brightness។ ឬចូលទៅកំណត់នៅកន្លែង Setting > Display > Brightness។

ឆ្លៀតពេលសម្រាកការមើល

ក្រៅពីបន្ថយពន្លឺអេក្រង់អ្នកគួរឆ្លៀតពេលសម្រាក កុំព្យាយាមសម្លឹងផ្ដោតទៅលើអេក្រង់ហ្នឹងយូរពេក ឬអាចប្រើវិធីសាស្រ្ត២០ - ២០ - ២០ (សម្រាកភ្នែក ២០ វិនាទី បន្ទាប់ពីសម្លឹង ២០ នាទី និងមើលអ្វីៗនៅជុំវិញខ្លួនក្នុងរយៈចម្ងាយ ២០ វិនាទី)។ នេះគឺជាវិធីដ៏មានប្រសិទ្ធភាពមួយដើម្បីជួយការពារការឈឺភ្នែកបាន។ ជាមួយគ្នានោះដែរ ចំណុចគួរអនុវត្តមួយទៀតនោះគឺត្រូវឧស្សាហ៍ព្រិចភ្នែកព្រោះវាធ្វើឲ្យភ្នែករបស់យើងមានសំណើម មិនធ្វើឲ្យភ្នែកស្ងួត ក្ដៅ និងឈឺ។

អេក្រង់ការពារពន្លឺ

reduce-eye-strain-when-using-smartphones.w654 (1)

ក្រៅពីចំណុចគួរអនុវត្តខាងលើនេះ យើងគួរតែប្រើអេក្រង់ការពារពន្លឺ ( Anti-glare screen protector) ព្រោះឧបករណ៍នេះអាចជួយកាត់បន្ថយពន្លឺជះខ្លាំង និងការពារការក្រហាយភ្នែកដែលបង្កដោយពន្លឺ ដែលចេញពីអេក្រង់បានមួយផ្នែកផងដែរ។ មិនត្រឹមតែប៉ុណ្ណោះ វាជួយការពារអេក្រង់ពីបែកបាក់បានថែមទៀតផង។

រក្សាចម្ងាយពីភ្នែក និង Smartphone ខណៈប្រើប្រាស់

ការកាន់ទូរសព្ទនៅជិតនឹងភ្នែកពេកខណៈកំពុងប្រើប្រាស់មានន័យថា អ្នកកំពុងដាក់សម្ពាធបន្ថែមកាន់តែធ្ងន់។ ជាធម្មតាមនុស្សភាគច្រើនគឺកាន់ទូរសព្ទរបស់ពួកគេចម្ងាយប្រហែលជា២០ ស.ម ពីភ្នែកខណៈពេលប្រើប្រាស់ តែអ្នកជំនាញបានបង្ហាញថា ចម្ងាយដែលស័ក្ដិសមនោះគឺចន្លោះពី ៤០,៦០ ស.ម ទៅ ៤៥,៧០ ស.ម។

ប្រើកម្មវិធីជំនួយ

ប្រសិនអ្នកបានបន្ថយពន្លឺអេក្រង់ដល់កម្រិតសូន្យហើយ តែវានៅតែមានពន្លឺខ្លាំងសម្រាប់អ្នក ហើយអ្នកចង់បានពន្លឺទាបជាងនេះ គឺអ្នកត្រូវតែដំឡើងកម្មវិធីជំនួយ ព្រោះវាអាចជួយបន្ថយពន្លឺអេក្រង់បន្ថែមទៀតបាន។ ទាញយកកម្មវិធីជំនួយខាងក្រោមនេះ (សម្រាប់ Android ៖ EyePro-Blue Light Filter ឬ Twilight សម្រាប់ iOS ( Jailbreak) ទាញយកកម្មវិធី f.lux រួចដំឡើងវាលើ iPhone ឬ iPad)៕

ប្រភព៖ howtogeek ប្រែសម្រួល៖ សំនៀង

ពាក្យទាក់ទង

អត្ថបទពេញនិយម

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

បុរសម្នាក់នេះ ជួយជ្រោមជ្រែង ខ្មែរជាច្រើនគ្រួសារ ឱ្យបានទៅរស់នៅអាមេរិក និងជួយបង្កើតមុខរបរឱ្យទៀត

លី តាវហួ បង្ហាញតិកនិចធ្វើឲ្យសម្រស់នៅតែសង្ហាដូចខ្ទង់ ៤០ ទោះសព្វថ្ងៃអាយុ ៦២ ក៏ដោយ

ល្បីថា តាវ មិញស៊ឺ កំពុងមានទំនាក់ទំនងពិសេសជាមួយតារាស្រីអាយុច្រើនជាង ២១ ឆ្នាំ?

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas

តាមពិត នៅអាមេរិក មានទីក្រុងមួយ ឈ្មោះថា "ទីក្រុងខ្មែរ - Cambodia Town"

អត្ថបទថ្មី

ស្គាល់ ពស៊ាង តាមរយៈបទអ្វី? ១០បទនេះធានាថាស្ដាប់ហើយ គេងញញឹមតែម្នាក់ឯង ទោះអត់គូក៏ដោយ

Kep Music City «សូរសំឡេងនៃតន្ត្រីនៅទីក្រុងកែប»ប្រារព្ធខួបមួយខែនៃភាពជោគជ័យ៖ ការបង្កើតឆ្ពោះទៅថ្ងៃអនាគតជាទីក្រុងសិល្បៈ តន្ត្រីនិងការតភ្ជាប់សហគមន៍

AirAsia Cambodia បើកសម្ពោធជើងហោះហើរត្រង់ ពីទីក្រុងភ្នំពេញឆ្ពោះទៅកាន់ទីក្រុងហូជីមិញក្នុងតម្លៃសំបុត្រដ៏អស្ចារ្យ ចាប់ពី 74 USD តែប៉ុណ្ណោះ

៣នាក់ឪ-កូន លេងស្ដាយប្លែកៗ អមជាមួយបទកំពុងល្បី ត្រូវអ្នកគាំទ្រធ្លោយមាត់ថា “IDOL ព្រាប សុវត្ថិ ខ្ញុំមកវិញហើយ!”