គន្លឹះប្រាំយ៉ាង ដែលអ្នកអង្គុយធ្វើការមុខកុំព្យូទ័ររាប់ម៉ោងត្រូវដឹង
- 2020-03-11 08:31:42
- ចំនួនមតិ 0 | ចំនួនចែករំលែក 0
គន្លឹះប្រាំយ៉ាង ដែលអ្នកអង្គុយធ្វើការមុខកុំព្យូទ័ររាប់ម៉ោងត្រូវដឹង
ចន្លោះមិនឃើញ
បច្ចុប្បន្នការងារភាគច្រើនគឺតម្រូវឲ្យធ្វើការអង្គុយជាមួយនឹងកុំព្យូទ័រស្ទើរតែគ្រប់ពេល។ យើងប្រហែលជាបានដឹងហើយថាការអង្គុយធ្វើការយូរច្រើនម៉ោងវាពិតជាផ្ដល់ផលអាក្រក់ និងប៉ះពាល់ទៅដល់រៀងកាយ និងសុខភាព។ យោងតាមវេជ្ជបណ្ឌិត James Levine សហនាយកគ្លិនិក Mayo និងជាសាស្ត្រាចារ្យនៅសាកលវិទ្យាល័យ Arizona State បាននិយាយថា មានជម្ងឺចំនួន ២៤ ប្រភេទបង្កឡើងពីការអង្គុយយូរហួសហេតុ ដែលក្នុងនោះរួមមានទឹកនោមផ្អែម ជំងឺបេះដូង ជំងឺសន្លាក់ដៃជើង និង ជំងឺផ្សេងៗទៀត។ ដូច្នេះខាងក្រោមនេះជាគន្លឹះដែលអាចបញ្ចៀសពីការអង្គុយធ្វើការរាប់ម៉ោងនៅពីមុខកុំព្យូទ័រ៖
១. ងើបឈរ
ជាធម្មតាការងារភាគច្រើនគឺតម្រូវឲ្យធ្វើការ ៨ ម៉ោង ឬក៏ច្រើនជាងនេះ។ ដូច្នេះយើងក៏មិនគួរព្យាយាមអង្គុយធ្វើការពេញម៉ោងនោះទេ គួរឆ្លៀតពេលងើបឈរដើម្បីសម្រួលឥរិយាបទ។
២. ដើរ
នៅក្នុងប្រទេសរីកចម្រើន ក្រុមហ៊ុនភាគភាគច្រើនគឺមានតុធ្វើការទំនើបដូចជា ( Treadmill Desk) ជាដើម ដែលជាប្រភេទតុអាចឲ្យអ្នកធ្វើការដើរបានអំឡុងពេលប្រើប្រាស់កុំព្យូទ័រ។ ប៉ុន្តែប្រសិនបើយើងមិនមានឧបករណ៍បច្ចេកវិទ្យាទំនើបនេះទេ យើងអាចចំណាយពេលសម្រាកពីការងារមួយភ្លែតដើម្បីធ្វើចលនារាងកាយដូចជាការដើរទៅជិតៗក្នុងការរិយាល័យមួយភ្លែតជាដើម។
៣. ត្រួតពិនិត្យ និង រៀបចំអេក្រង់កុំព្យូទ័រ
ចំពោះការធ្វើការនៅពីមុខកុំព្យូទ័រវិញមិនថាអង្គុយឬឈរនោះទេ យើងត្រូវត្រួតពិនិត្យទៅលើកម្ពស់របស់អេក្រង់ឲ្យធៀបស្មើនឹងកម្រិតភ្នែករបស់យើង ដូច្នេះត្រូវកំណត់ឲ្យបានកម្រិតការសំឡឹងចុះទៅលើអេក្រង់ស្មើរ ១០ ដឺក្រេ។ ប្រសិនបើស្ថិតនៅទាបជាងកម្រិតភ្នែកពេកវាអាចបង្កឲ្យមានការឈឺចាប់ ខ្នងនិងក។ តែប្រសិនបើវាខ្ពស់ជាងវិញគឺធ្វើឲ្យឈឺភ្នែក។
៤. ទម្រង់នៃការអង្គុយ និង ចលនាក
ទម្រង់ក្នុងការអង្គុយពីមុខកុំព្យូទ័រដូចជាក្បាលជាដើមត្រូវតែសមស្រប និងត្រង់ ដើម្បីជៀសវាងការបង្កឲ្យមានសម្ពាធធ្ងន់ធ្ងរដល់ក និងឆ្អឹងខ្នង ជៀសវាងការឱនឈ្ងោក ព្រោះធ្វើឲ្យមានសម្ពាធខ្លាំងដល់ក និងឆ្អឹងខ្នង ។ វេជ្ជបណ្ឌិត James Bowman បាននិយាយថា ការអង្គុយត្រង់ខ្លួន ក និងក្បាលដោយទម្រង់ដៃធ្លាក់ចុះក្រោមគឺវាមានសម្ពាធតិចដល់សាច់ដុំ និងមិនបង្កការឈឺចាប់ដល់ក និងខ្នង ហើយម្យ៉ាងទៀតនោះក៏អាចអនុវត្តចលនាផ្អឹបចង្ការទៅនឹងក (Chin Retraction) ដើម្បីជួយឲ្យក្បាល ក និង ឆ្អឹងខ្នងត្រង់ឡើងបានដែរ។
របៀបធ្វើចលនាក៖
៥. អនុវត្តន៍តិចនិក “Pomodoro Technique”
Pomodoro Technique គឺជាតិចនិកមួយដែលធ្វើការកំណត់ពេលវេលាធ្វើការ និងការសម្រាកមានន័យថា អំឡុងពេលធ្វើការក្នុងរយៈពេល២៥នាទី ត្រូវសម្រាករយៈពេល៥នាទីដោយការកំណត់ពេលវេលានៅលើកម្មវិធីកំណត់ម៉ោងណាមួយ៕
ប្រភព៖ fitness, time ប្រែសម្រួល៖ សំនៀង