បងប្អូន Lexus RX ជំនាន់ចុងក្រោយប្ដូររូបរាងថ្មី ប្រកាសចេញជាផ្លូវការ

2020-04-13 08:12:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីលេចធ្លាយរូបភាពកាលពីសប្ដាហ៍មុនរួចមក នាពេលនេះ Toyota បានបង្ហាញចេញរូបភាព និងលក្ខណៈសម្បត្តិនៃរថយន្ត Harrier ជំនាន់ទីបួន ដែលមានការផ្លាស់ប្ដូររូបរាងថ្មី សម្រាប់លក់នៅទីផ្សារជប៉ុន។

រថយន្ត Harrier ជំនាន់ថ្មីនឹងមានលក់នៅតាមហាងក្នុងស្រុកនាខែមិថុនា ឆ្នាំ ២០២០។ វាមានប្រើប្រាស់គ្រោងឆ្អឹង TNGA ដែលដូចជាគ្រោងឆ្អឹងដែលប្រើប្រាស់លើ Toyota RAV4 ជំនាន់ចុងក្រោយ ដែលអាចឲ្យរថយន្ត Harrier ជំនាន់ចុងក្រោយអាចប្រើប្រាស់ម៉ាស៊ីន Dynamic Force Engine និងបន្ថែមប្រព័ន្ធ Toyota Hybrid System ផងដែរ។

ម៉ាស៊ីន Dynamic Force របស់វាមានទំហំ ២,០ លីត្រ ៤ស៊ីឡាំង អាចផលិតកម្លាំងបាន ១៦៩ សេះ ដែលភ្ជាប់នឹង Direct Shift-CVT និងមានជម្រើសប្រព័ន្ធបើកបរប៉ុងមួយ (ប៉ុងមុខ) ឬប៉ុងពីរ។

ចំពោះប្រភេទ Hybrid វិញគឺមានបំពាក់ម៉ាស៊ីន ២,៥លិត្រ កម្លាំង ១៧៦ សេះ អមនឹងម៉ូទ័រអគ្គិសនីកម្លាំង ១១៨ សេះ ដែលអាចផលិតកម្លាំងបានសរុប ២១៥ សេះ សម្រាប់ប្រភេទប៉ុងមុខ។ ចំណែកប្រភេទប៉ុងពីរមានបន្ថែមម៉ូទ័រអគ្គិសនីនៅខាងក្រោយមួយទៀត ដែលអាចបង្កើតបានសរុប ២១៩ សេះ។

ចំពោះទំហំវិញគឺមានការប្រែប្រួលបន្តិចប៉ុណ្ណោះ ដោយមានប្រវែង ៤៧៤០ ម.ម (វែងជាងមុន ២០ម.ម), ទទឹង ១៨៥៥ ម.ម (វែងជាងមុន ២០ម.ម) និងកម្ពស់ ១៦៦០ ម.ម (ទាបជាងមុន ៣០ម.ម) ដោយសារត្រូវបង្កើតជារូបរាងបែប Dynamic។ គួរដឹងថា Toyota នៅមិនទាន់បញ្ជាក់អំពីតម្លៃលក់នៅឡើយទេ៕