អង្ករខ្មែរ និងថៃ ទទួលជយលាភីអង្ករល្អបំផុតលើពិភពលោក
- 2014-11-21 18:17:22
- ចំនួនមតិ 0 | ចំនួនចែករំលែក 0
អង្ករខ្មែរ និងថៃ ទទួលជយលាភីអង្ករល្អបំផុតលើពិភពលោក
ចន្លោះមិនឃើញ
អង្ករកម្ពុជាបានទទួលជយលាភី ចំណាត់ថ្នាក់អង្ករល្អបំផុតលើពិភពលោក "World Best Rice Award ” ចំនួនបីឆ្នាំជាប់ៗគ្នា នៅក្នុងសន្និសីទ ស្រូវអង្ករពិភពលោក លើកទីប្រាំមួយ ដែលរៀបចំដោយ THE RICE TRADER (TRT) ខណៈកម្ពុជាបានធ្វើជាម្ចាស់ផ្ទះព្រឹត្តិការណ៍ ស្រូវអង្ករអន្តរជាតិនេះ នៅសណ្ឋាគារសូហ្វីតែលភ្នំពេញ។
នៅក្នុងព្រឹត្តិការណ៍ខាងលើ បានប្រព្រឹត្តិទៅកាលពីថ្ងៃទី១៨ ដល់ ១៩ ខែវិច្ឆិកា ឆ្នាំ២០១៤ កន្លងមកនេះ អង្ករផ្ការរំដួល របស់ប្រទេសកម្ពុជា និងអង្ករក្រហម របស់ប្រទេសថៃបានទម្លាក់ចំណាត់ថ្នាក់អង្ករមកពីវៀតណាម ប៉ាគីស្ថាន ឥណ្ឌា អាមេរិក និងភូមា។ គណៈវិនិច្ឆ័យ ធ្វើការពិចារណា ហើយបានបោះឆ្នោតឲ្យអង្ករខ្មែរ និងថៃ “ពិន្ទុស្មើគ្នា”។
លោក សុខ ពុទ្ធិវុធ ប្រធានសហព័ន្ធស្រូវអង្ករកម្ពុជាបានថ្លែងថា យើងត្រូវពង្រឹងគុណភាពនិងរក្សាកេរ្តិ៍ឈ្មោះអង្ករល្អកម្ពុជា ទៅកាន់ពិភពលោកបានស្គាល់កាន់តែច្រើន។លោកសង្ឃឹមថា កសិករទាំងអស់នឹងមានទឹកចិត្ត ខិតខំផលិតស្រូវអង្ករល្អ ឲ្យបានកាន់តែច្រើនឡើង ដើម្បីនាំចេញ។
យោងតាមទិន្នន័យរបស់រដ្ឋាភិបាល កម្ពុជាបាននាំចេញអង្ករ ២០១ ៨៩៩ តោននៅឆ្នាំ ២០១១ និងបានកើនឡើងដល់ ២០៥ ៧១៧ តោននៅឆ្នាំ ២០១២ ហើយក្នុងរយៈពេល ១០ ខែដំបូងក្នុងឆ្នាំ ២០១៣ កម្ពុជានាំចេញអង្ករបាន ២៩៤ ១៥៤ តោន ដោយសារពានរង្វាន់អង្ករលេខ ១ របស់ពិភពលោកនេះ៕
អត្ថបទ៖មៃ សុខលីម
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
