លទ្ធផលមិត្តភាព ឯស្វាយរៀង និងវេស្ទើនដល់ទីលានបែរជាអត់ប្រកួត
- 2014-11-22 16:02:15
- ចំនួនមតិ 0 | ចំនួនចែករំលែក 0
លទ្ធផលមិត្តភាព ឯស្វាយរៀង និងវេស្ទើនដល់ទីលានបែរជាអត់ប្រកួត
ចន្លោះមិនឃើញ
ការប្រកួតមិត្តភាពរវាងក្លិបលីកកំពូលក្នុងស្រុករបស់កម្ពុជាកាលពីម្សិលមិញ តាមការគ្រោងទុកមានការប្រកួតចំនួនបីគូ ដោយក្នុងនោះចម្ការកៅស៊ូបឹងកេតបានយកឈ្នះលើក្រុមបៀលប្រាយយូណាធីតក្នុងលទ្ធផល ៣-១ រីឯក្រសួងការពារជាតិ ស្មើ ០-០ ជាមួយគីរីវង់សុខសែនជ័យក្នុងដីខ្លួនឯង ខណៈគូក្រោយគេក្រុមខេត្តស្វាយរៀង និងវេស្ទើនដល់ទីលានហើយបែរជាអត់ប្រកួត។
ក្រុមស្វាយរៀងជាអ្នកសម្រេចចិត្តមិនធ្វើការប្រកួតនេះ ដោយសំអាងថា ក្រុមវេស្ទើន ពាក់អាវដៃខ្លី ហាក់មិនសមនឹងការប្រកួត។ ក្រោយនាំកូនក្រុមប្រជុំប៉ុន្មាននាទីរួចមក កីឡាករទាំងអស់ក៏រំសាយត្រឡប់ទៅវិញ។ ដោយឡែក ខាងក្រុមវេស្ទើន បានលើកឡើងថា នេះគ្រាន់តែជាការប្រកួតកម្ដៅសាច់ដុំ ដកស្រង់បច្ចេកទេស ហើយណាមួយក្រុមស្វាយរៀង មិនបានផ្ដល់ដំណឹងមុននោះទេអំពីបញ្ហាឯកសណ្ឋាន ដូច្នេះទើបមិនបានប្រាប់ឲ្យកូនក្រុមត្រៀមទុកជាមុន។
យ៉ាងណាក្ដី ក្រុមវេស្ទើន នៅតែនាំកូនក្រុមរបស់ខ្លួនធ្វើការប្រកួតកម្ដៅសាច់ដុំដដែល ដោយចែកឲ្យជាពីរក្រុម ដែលម្ខាងជាកីឡាករជើងចាស់ និងម្ខាងទៀតជាកីឡាករក្មេងៗ លេងសាកថ្វីជើងគ្នា៕
សកម្មភាពបឹងកេតប្រកួតជាមួយបៀលប្រាយ
វេស្ទើនពាក់អាវខ្លីម្សិលមិញ ដែលធ្វើឲ្យស្វាយរៀងមិនប្រកួត
អត្ថបទ៖ អៀង សូទ្រី
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
