ប្រទេសនៅអាស៊ីពីរជាសំបុក Hacker របស់ពិភពលោក

2014-09-25 23:19:10
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាអំណាចពិភពលោកធំៗតែងចោទប្រកាន់គ្នាទៅវិញមកពេលមានការវាយប្រហារតាមបច្ចេកវិទ្យា ហើយចិនជាទូទៅត្រូវគេចោទប្រកាន់ ព្រោះគេជឿថា ចិនសម្បូរ hacker ច្រើនជាងគេ។ តើពិតជាអីចឹងមែនអត់? ចុះឥណ្ឌាដែលគេល្បីថាជាស្ដេច IT នោះ ហើយនៅមាន អាមេរិក រុស្ស៊ី និងមហាអំណាចផ្សេងៗយ៉ាងម៉េចទៅវិញ?

គេហទំព័រអាមេរិក bloomberg បានបញ្ចេញបញ្ជីរាយឈ្មោះប្រទេសដែលសម្បូរក្រុម hacker ច្រើនជាងគេទាំង ១០ ក្នុងលោក ដោយផ្អែកលើចរាចរណ៍នៃសង្គ្រាមបច្ចេកទេសនាចុងឆ្នាំ ២០១២៖

១០. ហុងគ្រី

ហុងគ្រីមានចរាចរណ៍សង្គ្រាមបច្ចេកវិទ្យា ១,៤ភាគរយនៃសង្គ្រាមបច្ចេកវិទ្យាពិភពលោកទាំងមូល ខណៈដែលកូរ៉េខាងត្បូងតាមកិតពីក្រោយ។

៩. អ៊ីតាលី

អ៊ីតាលីមានចរាចរណ៍សង្គ្រាមបច្ចេកវិទ្យា ១,៦ភាគរយនៃសង្គ្រាមបច្ចេកវិទ្យាពិភពលោកទាំងមូល។

៨. ឥណ្ឌា

ឥណ្ឌាមានចរាចរណ៍សង្គ្រាមបច្ចេកវិទ្យា ២,៣ភាគរយនៃសង្គ្រាមបច្ចេកវិទ្យាពិភពលោកទាំងមូល។

៧. រ៉ូម៉ានី

រ៉ូម៉ានីមានចរាចរណ៍សង្គ្រាមបច្ចេកវិទ្យា ២,៨ភាគរយនៃសង្គ្រាមបច្ចេកវិទ្យាពិភពលោកទាំងមូល ដែលកើនឡើងពី ២,៧ភាគរយនៅចុងឆ្នាំ២០១១។ ទីក្រុង Ramnicu ត្រូវគេហៅថាជាឋានសួគ៌សម្រាប់ឧក្រិដ្ឋជនបច្ចេកវិទ្យា។

៦. ប្រេស៊ីល

ប្រេស៊ីលមានចរាចរណ៍សង្គ្រាមបច្ចេកវិទ្យា ៣,៣ភាគរយនៃសង្គ្រាមបច្ចេកវិទ្យាពិភពលោកទាំងមូល ដែលធ្លាក់ចុះពី ៣,៨ភាគរយនៅចុងឆ្នាំ២០១១។

៥. តៃវ៉ាន់

តៃវ៉ាន់ជាប់នឹងចិនមានចរាចរណ៍សង្គ្រាមបច្ចេកវិទ្យា ៣,៧ភាគរយនៃសង្គ្រាមបច្ចេកវិទ្យាពិភពលោកទាំងមូល ដែលធ្លាក់ចុះពី ៤,៥ភាគរយកាលពីចុងឆ្នាំ២០១១។

ទោះជាតៃវ៉ាន់ជាប្រភពសម្បូរ hacker ក៏ដោយ ក៏តៃវ៉ាន់ជាគោលដៅដ៏មានប្រជាប្រិយភាពនៃសង្គ្រាមបច្ចេកវិទ្យាដែរ។

៤. រុស្ស៊ី

រុស្ស៊ីមានចរាចរណ៍សង្គ្រាមបច្ចេកវិទ្យា ៤,៣ភាគរយនៃសង្គ្រាមបច្ចេកវិទ្យាពិភពលោកទាំងមូល។ យោងតាមរបាយការណ៍របស់ Bloomberg News ថា ក្រុមហ៊ុនយ៉ាងហោចណាស់ ៤០ រួមទាំង Apple, Facebook និង Twitter រងការវាយប្រហារដោយ malware ដោយក្រុម hacker នៅរុស្ស៊ី ឬអឺរ៉ុបខាងកើត។

៣. ទួរគី

ទួរគីមានចរាចរណ៍សង្គ្រាមបច្ចេកវិទ្យា ៤,៧ភាគរយនៃសង្គ្រាមបច្ចេកវិទ្យាពិភពលោកទាំងមូល។

២. សហរដ្ឋអាមេរិក

អាមេរិកមានចរាចរណ៍សង្គ្រាមបច្ចេកវិទ្យា ១០ភាគរយនៃសង្គ្រាមបច្ចេកវិទ្យាពិភពលោកទាំងមូល ដែលធ្លាក់ចុះពី ១៣ភាគរយកាលពីចុងឆ្នាំ២០១១។

អាមេរិកជាសំបុករបស់ក្រុម hacker ល្បីៗក្នុងពិភពលោក ក្នុងនោះមានក្រុម Anonymous និង AntiSec។

១. ចិន

ចិនមានចរាចរណ៍សង្គ្រាមបច្ចេកវិទ្យា ៤១ភាគរយនៃសង្គ្រាមបច្ចេកវិទ្យាពិភពលោកទាំងមូល ច្រើនជាងអាមេរិកដល់ ៤ ដងឯណោះ ហើយកើនឡើងពី ៣៣ភាគរយកាលពីចុងឆ្នាំ២០១១។

ការស៊ើបអង្កេតរកឃើញថា មានបណ្ដាញក្រុម hacker ខ្លាំងៗនៅចិន។ សមាជិក hacker ខ្លះមានទំនាក់ទំនងនឹងយោធាចិន ប៉ុន្តែចិនតែងតែបដិសេធមិនពាក់ព័ន្ធនឹងការវាយប្រហារអន្តរជាតិជានិច្ច ៕

អាន៖ Hacker វាយប្រហាររដ្ឋាភិបាលវៀតណាម ជាងមួយពាន់ Website....

អាន៖ អតិថិជនខ្មែរម្នាក់កាន់លុយជាង មួយម៉ឺនដុល្លារទិញ iPhone 6/6Plus….

ដោយ៖ សុផាត

ប្រភព៖ Bloomberg