មើលវីដេអូនេះ អ្នកនឹងដឹងថាសុនខមានក្ដីស្រលាញ់ជ្រាលជ្រៅប៉ុណ្ណា

2014-11-25 22:00:43
ចំនួនមតិ 0 | ចំនួនចែករំលែក 0

ចន្លោះមិនឃើញ

សត្វដែលមនុស្សគ្រប់រូបចូលចិត្តចិញ្ចឹមបំផុតនោះគឺសុនខ ព្រោះគេគិតថាវាឆ្លាត និងជិតស្និទ្ធជាងប្រភេទសត្វនានា។ មិនត្រឹមតែភាពជិតស្និទ្ធទេ ឯក្ដីស្រលាញ់ដែលសុនខមានក៏ជ្រាលជ្រៅខ្លាំងមិនធម្មតា។ ដូចគ្នានេះដែរ វីដេអូបង្ហាញពីសុនខមួយក្បាល កំពុងស្មោះស្ម័គ្រប្រឹងទាញសពមិត្តរបស់ខ្លួន ដែលត្រូវឡានបុកងាប់ កំពុងអង្រួនចិត្តអ្នកលេងអ៊ីនធឺណិតយ៉ាងខ្លាំង។

វីដេអូជាង ១០នាទីនេះ ថតបានដោយអ្នកបើកតាក់ស៊ីជនជាតិម៉ិកស៊ីកូម្នាក់ឈ្មោះSerrano Madera វ័យ ៤២ឆ្នាំ។ ពេលកំពុងបើកតាក់ស៊ីកាត់រដ្ឋធានី Mexico City លោកបានឃើញឆ្កែ ២ក្បាលរត់ឆ្លងផ្លូវ។ ឆ្កែទី១ បានរត់ឆ្លងផុត តែអកុសលឆ្កែទី២ ត្រូវឡានបុកងាប់លើផ្លូវ។ ភ្លាមៗនោះ ឆ្កែទី២ បានរត់ត្រលប់ក្រោយទៅជួយសង្គ្រោះមិត្តរបស់វា ដោយខាំទាញ អង្រួន ហាក់ចង់ឲ្យមិត្តដឹងខ្លួនវិញ ប៉ុន្តែវាបានងាប់បាត់ទៅហើយ។

អ្នកបើកតាក់ស៊ី បានបន្ថែមទៀតថា មុនពេលចាកចេញពីកន្លែងកើតហេតុ លោកក៏បានជួយលើកសពឆ្កែនោះទៅដាក់ម្ខាងផ្លូវផងដែរ។ វីដេអូរំជួលចិត្តនេះ ត្រូវបានចែកចាយពេញបណ្ដាញព័ត៌មានរបស់ប្រទេសម៉ិកស៊ីកូ៕

សូមទស្សនាវីដេអូ៖ 

http://youtu.be/3Uo2G5xJGRA

ចុចអាន៖ ឆ្កែប៉ូលិសស្មោះត្រង់នឹងម្ចាស់ មិនគួរឲ្យជឿ!

ប្រែសម្រួល៖ គង់ វិសាល

ប្រភព៖ dailymail