១១ វិធីធ្វើឱ្យអ្នកគេងលក់ស្រួល និងសុបិនល្អ
- 2014-11-26 01:00:05
- ចំនួនមតិ 0 | ចំនួនចែករំលែក 0
១១ វិធីធ្វើឱ្យអ្នកគេងលក់ស្រួល និងសុបិនល្អ
ចន្លោះមិនឃើញ
មនុស្សគ្រប់រូបរមែងចង់បានការគេង ប្រកបដោយភាពសុខលក់ស្រួល និងសុបិនល្អ តែបញ្ហានៅត្រង់ថាត្រូវធ្វើយ៉ាងម៉េច ទើបសម្រេចគោលបំណងនេះ។ ដើម្បីធ្វើបានអ្វីទាំងនេះ អ្នកអាចអនុវត្តវិធីខ្លីៗទាំង១១ ខាងក្រោម៖
១) ញ៉ាំអាហារមុនគេង៣ម៉ោង៖ បើសិនអ្នកញ៉ាំអាហារឱ្យបានត្រឹមត្រូវមុនចូលគេង អ្នកនឹងមានថាមពលគ្រប់គ្រាន់។ បើមិនដូច្នេះទេ អ្នកមិនអាចគេងលក់ស្រួលទេ។
២) ញ៉ាំចេក៖ មុនពេលគេងបើបើក្រពះរើ ចូរអ្នកញ៉ាំចេក១ផ្លែ ឬនំប៉័ង១ចំណិតក៏បាន។ កុំទុកពោះឱ្យនៅទំនេរ ព្រោះវារំខានដំណេករបស់អ្នក។
៣) មុជទឹក៖ មុជទឹក ដុសសាប៊ូឱ្យបានស្អាត បើកាន់តែល្អមុជទឹកក្ដៅអ៊ុនៗ។
៤) កុំហាត់ប្រាណហួសកម្លាំង ឬលើកអ្វីធ្ងន់ៗពេក៖ រាងកាយក៏ដូចជាក្បាលរបស់អ្នក នឹងពោពេញដោយថាមពល ដូច្នេះវាអាចធ្វើឱ្យគេងមិនស្រួល បើអ្នកហាត់ប្រាណខ្លាំងពេក។
៥) ញ៉ាំទឹកដោះគោក្ដៅ៖ ញ៉ាំទឹកដោះគោក្ដៅមុនពេលគេង នឹងធ្វើឱ្យអ្នកមានអារម្មណ៍ល្អ។
៦) បន្ទប់ត្រូវមានសីតុណ្ហភាពល្អ៖ សីតុណ្ហភាពក្នុងបន្ទប់មិនត្រូវក្ដៅពេក និងត្រជាក់ពេកទេ។
៧) មិនត្រូវខ្វល់ខ្វាយច្រើន៖ បើមានរឿងខ្វល់ខ្វាយច្រើនដូចជា ការងារ គ្រួសារ ឬអ្វីផ្សេងនោះ អ្នកត្រូវប្រាប់ខ្លួនឯងថា ចាំដោះស្រាយថ្ងៃស្អែក។ បើនៅតែគិតច្រើនទៀត អ្នកនឹងបញ្ឈរភ្នែកមួយយប់ទល់ភ្លឺ។
៨) ពេលដេកត្រូវគិតរឿងល្អៗ៖ ចូរគិតរឿងសប្បាយៗ ដូចជាបានជួបជាមួយទេពអប្សរ ឬក្ដីស្រមៃល្អៗនាពេលអនាគតជាដើម។
៩) រកខ្នើយស្អាត និងធំជាងក្បាល៖ បើខ្នើយតូច ឬមិនត្រូវក្បាល នោះនឹងធ្វើឱ្យអ្នកឈឺក និងសុបិនអាក្រក់។
១០) ទុកភេសជ្ជៈត្រជាក់នៅក្បែរខ្លួន៖ បើសិនអ្នកមានអារម្មណ៍ថាក្ដៅពេក ឬភ្ញាក់ពេលយប់ដោយយល់សុបិនអាក្រក់នោះ អ្នកអាចផឹកអ្វីត្រជាក់ៗ ដើម្បីឱ្យអារម្មណ៍ធូរស្បើយ។ ទឹកឬទឹកដោះគោ ជាជម្រើសល្អបំផុត។
១១) ដាក់កន្សែងសើមសើភ្នែក៖ ធ្វើបែបនេះអាចធ្វើឱ្យភ្នែកអ្នកសម្រាក និងបំបាត់ការឈឺចាប់ បន្ទាប់ពីធ្វើការពេញមួយថ្ងៃ។
ចង់អានអត្ថបទ មិនញ៉ាំអាហារពេលព្រឹក អាចបង្កផលប៉ះពាល់ ៤យ៉ាងធំៗ ចុចត្រង់នេះ!
ចង់អានអត្ថបទ អាហារ៩ប្រភេទ បំផ្លាញជីវិតសិច ដោយមិនដឹងខ្លួន ចុចត្រង់នេះ!
តើអ្នកធ្លាប់សាកល្បងអត់? បើមិនទាន់ទេ ចូរសាកល្បងមើល៍! បើបានផលយ៉ាងណា សូមប្រាប់ណា...!
ប្រែសម្រួល៖ អ៊ុំ សុភក្តិ ប្រភព៖ Wikihow