“បន្ទប់ពិឃាដ” ភាពយន្តរន្ធត់ដែលយុវវ័យចង់ទស្សនាបានមកដល់ហើយ

2014-09-26 17:57:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តរន្ធត់ថ្មីដែលទទួលបានការគាំទ្រខ្លាំងនៅប្រទេសថៃ រឿង "បន្ទប់ពិឃាដ" (The Rooms) បានចាប់ផ្ដើមបញ្ចាំងនៅរោងភាពយន្តផ្លាទីនៀមចាប់ពីថ្ងៃនេះហើយ។

ខ្សែភាពយន្តដែលពោរពេញដោយអាថ៌កំបាំងគួរឲ្យរន្ធត់នេះ បរិយាយអំពីរឿងរ៉ាវគួរឲ្យខ្លាចដែលកើតឡើងក្នុងបន្ទប់ចំនួន ៣ផ្សេងគ្នា។ រឿងរ៉ាវនៅបន្ទប់ទីមួយ គឺវគ្គ Green Sonata បានបង្ហាញពីបុរសមានទ្រព្យស្ដុកស្ដម្ភម្នាក់ដែលស្រឡាញ់ភរិយារបស់ខ្លួនអស់ពីចិត្ត។ នៅជិតផ្ទះរបស់គេមានផ្ទះបនមួយ ដែលគេដើរកាត់ជារៀងរាល់ថ្ងៃ ប៉ុន្តែមិនដែលចាប់អារម្មណ៍ពីមនុស្សស្រីនៅទីនោះឡើយ។ ថ្ងៃមួយភរិយារបស់គេបានជួបគ្រោះថ្នាក់ ហើយក៏ក្លាយជាមនុស្សរុក្ខជាតិ។ បុរសម្នាក់នោះនៅតែស្រឡាញ់ និងថែទាំភរិយាគេរហូត ប៉ុន្តែថ្ងៃមួយចំណង់តណ្ហាបាននាំគេឲ្យចូលក្នុងផ្ទះបននៅក្បែរនោះ និងបានលួចរួមរ័កជាមួយនារីម្នាក់ ហើយពេលនោះរឿងរ៉ាវដ៏រន្ធត់ៗក៏ចាប់ផ្ដើមកើតឡើង។

តើអ្នកណាខ្លះនឹងត្រូវស្លាប់ក្នុងវគ្គ Green Sonata នេះ? តើនៅបន្ទប់ទី២ និងបន្ទប់ទី៣ មានរឿងអ្វីកើតឡើងទៀត?

ចម្ងល់ទាំងនេះ នឹងមានបកស្រាយក្នុងខ្សែភាពយន្ត "បន្ទប់ពិឃាដ" ដែលមានបញ្ចាំងនៅរោងភាពយន្តផ្លាទីនៀម ផ្សារទំនើបសូរិយា នៅថ្ងៃទី២៦ ខែកញ្ញា នេះតទៅហើយ។ ចង់ជ្រាបច្បាស់ សូមកុំភ្លេចចូលរួមទស្សនាទាំងអស់គ្នា!