ជនជាតិខ្មែរឡើងធ្វើជាអគ្គនាយកថ្មីក្រុមហ៊ុនលំដាប់ពិភពលោក RMA ប្រចាំកម្ពុជា

2014-11-26 22:37:17
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ខេវីន វីតក្រាស (Kevin Whitcraft) អគ្គនាយកនៃក្រុមហ៊ុន RMA Group បានប្រកាសតែងតាំងលោក ងន សំាង ជាអគ្គនាយកថ្មីប្រចាំប្រទេសកម្ពុជា ជំនួសលោក រ៉ាមីសារ៉ាហ្វ ដែលនឹងត្រូវបញ្ចប់តួនាទីនៅពេលដ៏ខ្លីខាងមុខនេះ។ នេះយោងតាមសេចក្ដីប្រកាសព័ត៌មានរបស់ក្រុមហ៊ុន RMA ដែល Sabay ទទួលបាន។

លោក ងន សាំង អគ្គនាយកថ្មី RMA ប្រចាំនៅកម្ពុជា

លោក ខេវីន វីតក្រាស (Kevin Whitcraft) អគ្គនាយកនៃក្រុមហ៊ុន RMA Group មានប្រសាសន៍ថា “ខ្ញុំមានសេចក្ដីរីករាយ ក្នុងការជ្រើសរើសជនជាតិខ្មែរក្នុងការដឹកនាំអាជីវកម្មដ៏ធំរបស់យើងប្រចាំកម្ពុជា"។

លោក ងន សាំង នឹងត្រូវទទួលខុសត្រូវក្នុងការគ្រប់គ្រង និងដឹកនាំក្រុមហ៊ុនRMA ប្រចាំកម្ពុជា ដោយផ្ដោតទៅលើវិស័យយានយន្ត ហេដ្ឋារចនាសម្ព័ន្ធ សំណង់ កសិកម្ម ផលិតផលចម្រុះ ផ្នែកសេវាកម្មហិរញ្ញវត្ថុ និងចំណីអាហារ។

ក្នុងជីវប្រវត្តិសង្ខេប ក្រុមហ៊ុន RMA បានបញ្ជាក់ថា លោក ងន សាំង បានចូលបម្រើការងារនៅក្រុមហ៊ុន RMA ក្នុងឆ្នាំ ១៩៩៦ ក្នុងនាមជាបុគ្គលិកហាត់ការ។ រយៈកាលបន្តបន្ទាប់ លោកបានវិវឌ្ឍន៍ខ្លួនមកកាន់តួនាទីសំខាន់ៗជាច្រើនដូចជាក្នុងផ្នែកគណនេយ្យ និងហិរញ្ញវត្ថុ និងក្រោយមកក៏ត្រូវបានតែងតាំងជាអគ្គនាយករងនិងនាយកផ្នែកហិរញ្ញវត្ថុក្នុងឆ្នាំ ២០០៧។

លោក រ៉ាមី សារ៉ាហ្វ

លោក ងន សាំងបានបញ្ចប់ការសិក្សាថ្នាក់បរិញ្ញាបត្រ ផ្នែកវិទ្យាសាស្ត្រសេដ្ឋកិច្ច នៅសាកលវិទ្យាល័យ ភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច និងសញ្ញាប័ត្រអនុបណ្ឌិតផ្នែកគ្រប់គ្រងអាជីវកម្មពីវិទ្យាស្ថានបច្ចេកវិទ្យាអាស៊ី (Asian Instituteof Technology) ពីប្រទេសថៃ។ លើសពីនេះទៅទៀត លោកគឺជាជនជាតិខែ្មរទីមួយ ដែលបានទទួលការសិក្សាជំនាញ គ្រប់គ្រង អាជីវកម្មពីសាកលវិទ្យាល័យហាវើត ដ៏ល្បីល្បាញនៅសហរដ្ឋអាមេរិច (Harvard Business School General Management Program).

សូមបញ្ជាក់ផងដែរថា លោក រ៉ាមី សារ៉ាហ្វ នឹងត្រូវបញ្ចប់តួនាទីរបស់ខ្លួនជាអគ្គនាយកប្រចាំប្រទេសកម្ពុជាចាប់ពីថ្ងៃទី១ ខែធ្នូនេះតទៅ ដើម្បីបំពេញការងារថ្មី។

អត្ថបទ៖ ប៊ុណ្ណារ៉ា

ពាក្យទាក់ទង

ព័ត៌មានបច្ចេកវិទ្យាក្នុងស្រុក ព័ត៌មានពីក្រុមហ៊ុន RMA នៅកម្ពុជា

អត្ថបទពេញនិយម

Haaland, Mbappe, Salah ល្បីសាហាវតែមើលប្រាក់ខែចាញ់ម្នាក់នេះទៅវិញ

ប្រាសាទ ដាវីន បានបង្កើតប្រវត្តិសាស្ត្រជាមាតាទីមួយគ្រងមកុដបវរកញ្ញាចក្រវាលកម្ពុជាឆ្នាំ ២០២៤

ផ្ទុះការរិះគន់អក្សរចិនលើស្លាកហាងគ្មានអក្សរខ្មែរ មន្ត្រីថាបានចុះណែនាំដែរ តែគេមិនស្តាប់

មុនប៉ះគ្នាយប់នេះ Xabi Alonso និយាយបែបនេះទៅកាន់កន្លែងដែលខ្លួនធ្លាប់រស់នៅ

រថយន្តអគ្គិសនី Maxus Mifa9 សម្រេចបាននូវសម្ធិទផលលក់ដាច់ជាខ្លាំងលើសរថយន្ត Toyota Alphard នៅហុងកុង និងប្រទេសថៃ

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

អូ គូលែន និងអ្នកនាង សុភ័ក្រ កុសុម៉ា បានក្លាយជាដៃគូសហការណ៍ ដើម្បីលើកកម្ពស់ការរស់នៅប្រកបដោយសុខុមាលភាព

ក្រុមតារាចម្រៀង Twice នឹងចូលរួមជាភ្ញៀវកិត្តិយស ក្រុមColdplay សម្រាប់ការប្រគុំតន្ត្រីរយៈពេល 6 ថ្ងែនៅកូរ៉េ

ធនាគារ វីង គាំទ្រកម្មវិធីនាវាយុវជនអាស៊ីអាគ្នេយ៍ និងជប៉ុន លើកទី៤៨

មុនប៉ះគ្នាយប់នេះ Xabi Alonso និយាយបែបនេះទៅកាន់កន្លែងដែលខ្លួនធ្លាប់រស់នៅ

CamEd Basketball Tournament 2024 ជាការរួមចំណែកលើកកម្ពស់សុខភាពផ្លូវកាយ និងផ្លូវចិត្តសិស្សៗ