វីដេអូ ដ៏កម្រលោកយាយ រស់ សិរីសុទ្ធា ហាត់លោតឆត្រយោង គួរឱ្យស្ញប់ស្ញែង!

2014-11-27 13:25:29
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូដ៏កម្រមួយពីតារាចម្រៀងល្បីឈ្មោះអំឡុងទសវត្សទី ៦០ និង៧០ លោកយាយ រស់ សិរីសុទ្ធា ធ្វើជាទាហាន ឆត្រយោង ត្រូវបានគេបង្ហោះលើបណ្ដាញសង្គម Facebook ទទួលបានការចាប់អារម្មណ៍ជាខ្លាំងពីមហាជន។

វីដេអូឃ្លីប មានរយៈពេល ៤នាទី និង៣វិនាទី បង្ហាញពីសកម្មភាពរស់រើក នៃការហាត់លោតឆត្រយោង របស់លោកយាយ រស់សិរីសុទ្ធា ក្នុងនាមជាទាហានឆត្រយោងម្នាក់។ ប្រការនេះបង្ហាញការចូលរួមបម្រើជាតិ ក្រៅតែពីជាតារាចម្រៀងល្បីឈ្មោះ។

លោកយាយ រស់ សិរីសុទ្ធា ក្នុងឈុតជាទានហាន ឆត្រយោង

លោកយាយ រស់ សិរីសុទ្ឋា ជាតារាចម្រៀងខ្មែរដ៏ល្បីល្បាញ ក្នុងអំឡុងទសវត្ស ៦០ និង ៧០ និងជាដៃគូចម្រៀងឆ្នើមបំផុត របស់អធិរាជសំឡេងមាស លោកតា ស៊ីន ស៊ីសាមុត។

លោកយាយកើតនៅថ្ងៃទី៦ ខែ វិច្ឆិកា ឆ្នាំ១៩៤៦ នៅភូមិដំណាក់ហ្លួង ឃុំ វគ្គគរ ក្រុងបាត់ដំបង ខេត្ត បាត់ដំបង។ លោកយាយចាប់ផ្ដើមប្រឡូកចូលសិល្បៈក្នុងឆ្នាំ ១៩៦៥ ហើយទទួលមរណភាព នៅថ្ងៃទី ១៧ ខែមេសា ឆ្នាំ១៩៧៧។ លោកយាយបានបន្សល់ទុកស្នាដៃចម្រៀងជាច្រើន រួមនឹងស្នាដៃផ្សេងទៀតសម្រាប់កូនខ្មែរជំនាន់ក្រោយ៕

ចង់ដឹងសកម្មភាពនៃការលោតឆត្រយោងរបស់លោកយាយ រស់ សិរីសុទ្ធា ក្លាហានកម្រិតណាទស្សនា វីដេអូ ខាងក្រោម។ http://youtu.be/OHEotF3BCb4

អានអត្ថបទ៖ The Voice កូរ៉េនឹងលែងមានរដូវកាលថ្មីទៀតហើយ ដោយ

អានអត្ថបទ៖ សៀក សក្ដិរុណា អត់ទាន់ចង់មានស្នេហ៍ទេ…ដឹងនៅ

អានអត្ថបទ៖ Justin សម្ញែងខ្សែមាសពេញក ក្រោយរកលុយបានច្រើនជាងគេ ក្រោមវ័យ៣០ឆ្នាំ

អត្ថបទ៖ អ៊ីង សុឡា