ទឹកក្រូចឆ្មាមួយកែវរៀងរាល់ព្រឹកផ្តល់អត្ថប្រយោជន៍ដ៏សម្បូរបែបដល់រាងកាយ

2014-11-27 14:11:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់ផ្ដើមថ្ងៃថ្មីរបស់អ្នកដោយការញ៉ាំទឹកក្រូចឆ្មាក្ដៅឧណ្ហៗមួយកែវផ្ដល់អត្ថប្រយោជន៍ជាច្រើនសម្រាប់រាងកាយ ប្រៀបបាននឹងឱសថដ៏មានថាមពលជួយឲ្យអ្នកសម្រេចកិច្ចការងារបានប្រសើរពេញមួយថ្ងៃ។ អត្ថប្រយោជន៍សុខភាពដែលអ្នកទទួលបានពីការញ៉ាំទឹកក្រូចឆ្មានៅព្រឹកថ្ងៃថ្មីរួមមាន៖

១. ជួយដល់ការរំលាយអាហារ

ទឹកក្ដៅឧណ្ហៗមិនត្រឹមតែជួយជំរុញផ្លូវអាហារប៉ុណ្ណោះទេ តែក្រូចនៅក្នុងនោះក៏ត្រូវគេជឿថា ជួយជំរុញ និងសម្អាតថ្លើមដែរ។ វាក៏ជួយបង្កើតអាស៊ីតដែលសម្រួលដល់ការរំលាយអាហារឲ្យកាន់តែប្រសើរឡើង។

២. ជួយប្រព័ន្ធភាពស៊ាំរបស់រាងកាយ

ក្រូចសម្បូរទៅដោយវីតាមីន C និងអាស៊ីត ascorbic ដែលអាចទប់ទល់នឹងធាតុត្រជាក់ និងស្រូបជាតិដែកដែលដើរតួនាទីយ៉ាងសំខាន់ក្នុងការការពាររាងកាយក្នុងប្រព័ន្ធភាពស៊ាំរបស់មនុស្ស។

៣. ជួយឲ្យមានតុល្យភាពជាតិប្រៃក្នុងរាងកាយ

ពេលមិនមានតុល្យភាពនៃកំហាប់ pH ធ្វើឲ្យរាងកាយងាយប្រឈមនឹងជំងឺ។ តែជាតិក្រូចអាចជួយរក្សាតុល្យភាព pH ពិសេសនៅពេលដែលអ្នកញ៉ាំសាច់ ញ៉ាំ Cheese ឬផឹកស្រាច្រើន។

៤. ជួយកម្ចាត់ជាតិពុល

ទឹកក្រូចឆ្មាប្រៀបដូចជាថ្នាំបញ្ចុះទឹកនោមដ៏មានប្រសិទ្ធភាពដែលជួយឲ្យរាងកាយរបស់អ្នកបញ្ជូនចេញជាតិពុលមួយចំនួនទៅតាមទឹកនោម។ ជាតិអាស៊ីត citric ក្នុងក្រូចក៏ជួយបង្កើនអង់ស៊ីមដែលល្អចំពោះថ្លើមដែរ។

៥. ជួយបង្កើនថាមពល

ជាតិទឹក និងក្រូចនៅក្នុងទឹកក្រូចមួយកែវអាចជួយផ្ដល់សំណើម និងអុកស៊ីហ្សែននៅក្នុងឈាម ដែលធ្វើឲ្យអ្នកមានកម្លាំងពលំខុសធម្មតា។

៦. ឲ្យស្បែកស្អាត

វីតាមីន C នៅក្នុងក្រូចដើរតួនាទីយ៉ាងសំខាន់ក្នុងការរក្សាស្បែកឲ្យមានសុខភាពល្អ ហើយ Antioxidant អាចជួយកម្ចាត់នូវភាពចាស់របស់មនុស្សបាន។

អីចឹងចាំអង្កាល់ទៀត! សាកប្តូរទម្លាប់អ្នក មកញ៉ាំទឹកក្រូចឆ្មាក្ដៅឧណ្ហៗវិញមើល៍ដើម្បីទទួលយកអត្ថប្រយោជន៍សុខភាពដូចរៀបរាប់ខាងលើ៕

ប្រែសម្រួល៖ សីហា ប្រភព៖ learni