សុគន្ធ ធារ៉ាត់ មិនត្រឹមតែច្រៀងទេ ថែមទាំងចេះនិពន្ធថ្មីខ្លួនឯងទៀត!

2014-11-27 17:53:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពន្លកសិល្បៈថ្មី លោក សុគន្ធ ធារ៉ាត់ តារាចម្រៀងក្នុងផលិតកម្ម Spider Production មិនត្រឹមតែជាតារាចម្រៀងទេ ប៉ុន្តែតារាម្នាក់នេះថែមទាំងនិពន្ធបទចម្រៀងដោយខ្លួនឯងថែមទៀតផង។

មុនបោះជំហានចូលក្នុងផលិតកម្ម Spider Production តារាចម្រៀងរូបនេះ ធ្លាប់បង្កើតក្រុមចម្រៀងផ្ទាល់ខ្លួនមួយដែលមានឈ្មោះថា "My Lover" ជាមួយកូនប្រុសនាយកុយ ប៉ុន្តែក្រោយមកបានឈប់ទៅវិញ ដោយសារតែកូននាយកុយ បានស្លាប់ក្នុងគ្រោះថ្នាក់ចរាចរណ៍ជាមួយតារាចម្រៀង ខេមរៈ សិរីមន្តកាលពីដើមឆ្នាំ២០១២ នៅឯខេត្ត ព្រះសីហនុ។

លោក សុគន្ធ ធារ៉ាត់ បានប្រាប់ថា កាលនៅក្នុងក្រុម "My Lover" ក្រុមរបស់លោកមានឱកាសបានចេញច្រៀង Concert ជាច្រើន ដូចជានៅស្ថានីយទូរទស្សន៍ស្ទើរគ្រប់ទាំងអស់ ក៏ដូចជាចុះច្រៀងតាមខេត្តនានា។

ដោយសារតែការស្រលាញ់សិល្បៈ ជាង១ខែមុននេះ លោកត្រូវបានផលិតកម្ម Spider Production ជ្រើសរើសឲ្យចូលច្រៀង។ បច្ចុប្បន្នតារាចម្រៀងរូបនេះមានបទផ្ទាល់ខ្លួនចំនួន៣បទមកហើយ ដែលសុទ្ធតែជា ការតែងនិពន្ធដោយខ្លួនឯងទាំងអស់។

តារាវ័យ២១ឆ្នាំ និងកំពុងសិក្សារហូតដល់ទៅ២មហាវិទ្យាល័យម្នាក់នេះបានរៀបរាប់ឲ្យដឹងថា បទចម្រៀងទាំង៣បទនោះមាន បទ "Sexy អីយ៉ាងនេះ?" "ខ្ញុំទើបតែមានស្នេហា" និង បទ" Lover 4 ever" មានតែ បទ "Sexy អីយ៉ាងនេះ?" ប៉ុណ្ណោះបានចេញជា MV(វីដេអូចម្រៀង) ក្រៅពីនេះ នៅជា CD នៅឡើយ។

លោក សុគន្ធ ធារ៉ាត់ បានឲ្យដឹងទៀតថា មូលហេតុដែលនាំឲ្យចេះតែងនិពន្ធ ក៏ព្រោះតែលោកកំពុងតែរៀនជំនាញនេះស្រាប់។ បច្ចុប្បន្នតារារូបនេះគឺជានិស្សិតឆ្នាំទី៣ ជំនាញ "នាថសាស្ត្រ" ផ្នែកដឹកនាំ និងនិពន្ធរឿង ក្នុងនោះដែរក៏មានការបង្ហាត់បង្ហាញពី Dj ក្ដឹបផងដែរ ព្រោះអ្នកទាំងពីរជាមិត្តភ័ក្ដិនឹងគ្នា។

ជាតារាចម្រៀងចូលចិត្តបែប Hip Hip និង Dj តាំងពីដើមទីមក លោក សុគន្ធ ធារ៉ាត់ សង្ឃឹមថា បទចម្រៀង បទ "Sexy អីយ៉ាងនេះ?” ដែលទើបតែចេញម្សិលមិញនេះ នឹងមានការគាំទ្រពីទស្សនិកជនច្រើន។ លោកក៏ដូចជាខាងផលិតកម្មធ្វើឡើងមានការសម្រិតសម្រាំងខ្លាំងណាស់មុនសម្រេចចិត្តចេញ។ តួសម្ដែងនៅក្នុងបទចម្រៀង "Sexy អីយ៉ាងនេះ?” មានតារាសម្ដែង លោក ភីម៉ៃ និង កញ្ញា យ៉ា ដាវ ជា តួសំខាន់ ។ បច្ចុប្បន្នបទចម្រៀងរបស់លោក ត្រូវបានក្លឹបកម្សាន្តជាច្រើនយកទៅចាក់។

ជាមួយនឹងស្នាដៃថ្មីនេះ លោក សុគន្ធ ធារ៉ាត់ សូមស្នើឲ្យទស្សនិកជន ជួយគាំទ្រឲ្យបានច្រើន ដើម្បីជាកម្លាំងចិត្ត ឈានទៅផលិតបទចម្រៀងថ្មីៗបន្ថែមទៀត។ ធារ៉ាត់ បាននិយាយជាចុងក្រោយថា លោកនឹងខិតខំបន្ថែមទៀត ត្បិតអីអាជីពសិល្បៈចម្រៀងនេះ គឺលោកចូលចិត្តខ្លាំងណាស់៕

https://www.youtube.com/watch?v=TNqW3kohRP8&feature=youtu.be

អានអត្ថបទ៖ ស្រីស្អាត ណាតាហ្សា ប៉ុណ្ណឹងCute អត់? អានអត្ថបទ៖ តារាស្រី១ដួង តារាប្រុស៦ដួង ជួបគ្រោះថ្នាក់ចរាចរណ៍ក្នុងឆ្នាំ២០១៤នេះ

អត្ថបទ៖ ខុត សីហា រូបថត៖ផ្ដល់ដោយ សុគន្ធ ធារ៉ាត់