កូនកង្កែប សំ ថារ័ត្ន ចេញទៅប្រកួត One FC នៅហ្វីលីពីន ព្រឹកនេះ

2014-12-02 15:10:15
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីល្បុក្កតោ និងជាអ្នកលេងក្នុងទ្រុងកម្ពុជាកញ្ញា សំ ថារ័ត្ន នឹងឡើងយន្តហោះធ្វើដំណើរទៅប្រទេសហ្វីលីពីនព្រឹកនេះដើម្បីប្រកួតនឹងកីឡាការិនីម្ចាស់ផ្ទះ Jujeath Nagaowa ក្នុងព្រឹត្តិការណ៍ One FC: Warrior's Way នារាត្រី ថ្ងៃសុក្រ ទី៥ ខែធ្នូ ឆ្នាំ២០១៤នៅទីក្រុងម៉ានីល។

សំ ថារ័ត្ន (កណ្តាល)នៅប្រលានយន្តហោះព្រឹកនេះ

មុនធ្វើដំណើរទៅនេះ សំ ថារ័ត្ន ដែលមានរហស្សនាម«កូនកង្កែប» បានប្រាប់ថា ៖«ខ្ញុំអត់ហ៊ានថាប៉ុន្មានភាគរយទេ សម្រាប់ការឈ្នះគេនោះ ព្រោះមើលទៅពិបាកស្មានណាស់ គ្រាន់តែខ្ញុំមានជំនឿចិត្តលើខ្លួនឯងខ្លះដែរ ហើយខ្ញុំខ្លួនឯងនឹងប្រឹងឲ្យអស់ពីលទ្ធភាព»។

សំ ថារ័ត្នធ្លាប់ប្រកួតក្បាច់គុនបុរាណខ្មែរជាង២០ដង និងប្រកួតក្នុង ទ្រុង One FC ម្តង ប៉ុន្តែជាការប្រកួតជាមួយមិត្តរួមជាតិដោយផ្តួលកីឡាការិនី វី ស្រីឆាយ ក្នុងទឹកទី១ ហើយក៏មិនធ្លាប់ប្រកួតជាមួយដៃគូបរទេសដែរ។ ចំណែកកីឡាការិនីហ្វីលីពីន Nagaowa ធ្លាប់ប្រកួតប្រដាល់សាកលអាជីព២៥ដងក្នុងនោះឈ្នះ១២ដង និងចាញ់១៣ដងដោយធ្លាប់គ្រងខ្សែក្រវាត់ WBC Asia Atomweight Champion ថែមទៀត។ ចំពោះបទពិសោធន៍ក្នុងទ្រុងវិញ នាងបានផ្តួលកីឡាការិនីឥណ្ឌា Jeet Toshi ដោយកណ្តាប់ដៃក្នុងទឹកទី២៕

Sabay សូមជួនពរកញ្ញាឲ្យទទួលបានជោគជ័យសម្រាប់ការប្រកួតនេះ និងសាងប្រវត្តិសាស្ត្រសម្រាប់ប្រទេសជាតិ។