OMG! ប្រឡងកំពូល Tomboy ប្រចាំប្រទេសថៃ ស្រីៗក្លាយជាប្រុសសង្ហាអស់ទាស់

2014-12-02 19:02:26
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រឡងជ្រើសរើសកំពូល Tomboy (ស្រីតែងខ្លួនជាប្រុស) ប្រចាំប្រទេសថៃ Mr. @Tom Actz 2014 របស់ទស្សនាវដ្ដី Mr. @Tom Actz បានប្រព្រឹត្តទៅកាលពីរាត្រីថ្ងៃទី៣០ ខែវិច្ឆិកា នៅ Hollywood Awards Hall ទីក្រុងបាងកក។

បេក្ខជន Tomboy ចំនួន ២០រូបបានឡើងបង្ហាញម៉ូដលើឆាក មុននឹងឈានទៅកាន់វគ្គ ១០នាក់ចុងក្រោយ។ បេក្ខជន ១០នាក់ដែលបានជាប់នៅវគ្គបន្ទាប់ បានព្យាយាមទាក់ទាញចិត្តគណៈកម្មការដោយការច្រៀង និងបង្ហាញក្បាច់រាំ។ នៅចុងបញ្ចប់ បេក្ខជនចំនួន ៣នាក់ត្រូវបានជ្រើសរើស តាមរយៈការបញ្ចេញសមត្ថភាពសិល្បៈ និងការឆ្លើយសំណួររបស់គណៈកម្មការ។

ជយលាភី Mr. @Tom Actz ប្រចាំឆ្នាំ២០១៤បានទៅលើបេក្ខជនវ័យ ២៤ឆ្នាំ Wanaporn “Pat” Buraporn ជានិស្សិតមកពីមហាវិទ្យាល័យ Dusit Thani។

ចំណែកពានរង្វាន់ "Smart Tom” បានទៅលើបេក្ខជនវ័យ ៣០ឆ្នាំ Patcharee “Zom” Anantaweerat ជាអ្នកគ្រប់គ្រងសិល្បករ ម្នាក់ និងពានរង្វាន់ "Mr. Popular Vote” បានទៅលើបេក្ខជនវ័យ ២១ឆ្នាំ Jindarat “Milk” Boonyawattanatorn ជានិស្សិតមកពីសាកលវិទ្យាល័យបាងកក។

កម្មវិធី Mr. @Tom Actz បានរៀបចំឡើងចំនួន ៥លើកហើយគិតទាំងឆ្នាំនេះ ហើយឆ្នាំ២០១៤នេះ កម្មវិធីបានបន្ថែមពានរង្វាន់មួយទៀតគឺពានរង្វាន់ "Jury's Prize” សម្រាប់បេក្ខជនដែលទទួលបានការពេញចិត្តពីគណៈកម្មការ។ ម្ចាស់ពានរង្វាន់នេះដំបូងគឺបេក្ខជនវ័យ ២០ឆ្នាំ Chutikarn "Nan" Boontham ជាសិស្សនៅសាលា Metro Technology ទីក្រុងឈៀងម៉ៃ៕