ឆាប់ៗ! ផ្លូវសហព័ន្ធរុស្ស៊ីនឹងលែងស្ទះពេលធ្វើផ្លូវទាំងនេះរួចរាល់

2014-12-03 14:41:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្លូវមួយចំនួន ដែលសាលារាជធានីភ្នំពេញកំពុងស្ថាបនានឹងអាចកាត់បន្ថយការកកស្ទះនៅតាម បណ្តោយផ្លូវសហព័ន្ធរុស្ស៊ីដ៏មមាញឹកបាន។ នៅលើបណ្តាញសង្គមរបស់ខ្លួនសាលារាជធានីភ្នំពេញបានសរសេរថា ផ្លូវដែលកំពុងស្ថាបនាមានផ្លូវលេខ១៩២៨ (ផ្លូវបន្តពីវិថីឧកញ៉ាម៉ុង ឫទ្ឋី) ចាប់ពីផ្លូវលេខ ១០១៩ (វិថីហាណូយ) ដល់ផ្លូវលេខ២០១១(វិថីទ្រី ហេង) ក្នុងសង្កាត់ភ្នំពេញថ្មី ខណ្ឌសែនសុខ។ គំរោងនេះ ស្ថាបនាជាផ្លូវបេតុងអារមេ ប្រវែង ១៧៧០ម៉ែត្រ ទទឹង១៦ ម៉ែត្រ កំរាស់ ២០ស.ម កម្លាំងបេតុង៤០មេហ្គាប៉ាស្កាល់ជាគូប និងដាក់លូទំហំ ១,២ម៉ែត្រ។

ប្រភពដដែលឲ្យដឹងទៀតថា ជាផែនការអភិវឌ្ឍន៍នៅឆ្នាំ២០១៥ខាងមុខ សាលារាជធានី នឹងបន្តពង្រីកផ្លូវលេខ១៩២៨(វិថីម៉ុង ឫទ្ឋី) ដល់រង្វង់មូលកាំកូ ហើយការធ្វើចរាចរពីសង្កាត់កាកាប គោករកា ក្រាំងធ្នង់ ភ្នំពេញថ្មី ឃ្មួញ អាចធ្វើចរាចរចេញចូលរាជធានីបានងាយស្រួលតាមច្រកនេះ ដោយមិនបាច់ចេញចូលតាមមហាវិថីសហព័ន្ឋរុស្ស៊ីឡើយ ជាពិសេសក៏ងាយស្រួលដល់ការធ្វើដំណើរទៅមកព្រលានយន្តហោះផងដែរ។ គិតត្រឹមថ្ងៃទី០២ ខែវិច្ឆិកា ឆ្នាំ២០១៤នេះ ការដ្ឋានដាក់លូសម្រេចបានប្រវែង១២២០ម៉ែត្រ លើប្រវែង១៧៧០ម៉ែត្រ ត្រូវជា ៦៧%នៃគំរោង៕