រឿងគាប់ជួននឹកស្មានមិនដល់រវាង Coach និងកូនក្រុម សុវណ្ណរាជ-ប៊ុតសីហា

2014-12-03 17:03:49
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រឡងចម្រៀងដ៏ពេញនិយម The Voice Cambodia បានបញ្ចប់ជាស្ថាពរតាំងពីពាក់កណ្ដាលខែមុន ប្រិយមិត្តក៏ដឹង។ លោក ប៊ុត សីហា បេក្ខជនមកពីខេត្តកំពង់ស្ពឺ ដែលជាកូនក្រុមរបស់ Coach ឆន សុវណ្ណរាជ ក៏ត្រូវបានដឹងលឺទាំងអស់គ្នាថា ជាម្ចាស់ពានក្នុងឆ្នាំទី១នេះ ដោយទទួលបានប្រាក់រង្វាន់ជាច្រើន បូករួមជាមួយកុងត្រាក្លាយជាតារាចម្រៀងរបស់ផលិតកម្មហង្សមាសថែមទៀត។

ប៉ុន្តែមានតែ២រឿងគត់ប៉ុណ្ណោះ ដែលប្រិយមិត្ត និងសូម្បីតែសាមីខ្លួនផង អាចមិនដឹង ឬមិនចាប់អារម្មណ៍មកទល់ឥឡូវ។ ដូច្នេះ តទៅនេះ ការស្វែងរកចំណុចពិសេសទាំងពីរនោះ គឺជាកិច្ចការរបស់ប្រិយមិត្តហើយ ដែលជាផ្នែកមួយក្នុងការកម្សាន្ត និងដាស់រំញោចសមត្ថភាពខួរក្បាល។

យ៉ាងណា មុនចាប់ផ្ដើម...Sabay សូមផ្ដល់ជាព័ត៌មានគន្លឹះសម្រាប់ការពិចារនាខ្លះៗថា រឿងទាំងពីរនោះ ទើបតែកើតមានពេលពួកគេទាំងពីរ (ប៊ុត សីហា-ឆន សុវណ្ណរាជ) បានឈានមកដល់វគ្គផ្ដាច់ព្រ័ត្រប៉ុណ្ណោះ មិនមែនកើតមានតាំងពីចាប់ផ្ដើមកម្មវិធី The Voice Cambodia មកនោះទេ។ មិនត្រឹមតែប៉ុណ្ណឹង...ចំណុចទាំងពីរនោះ នឹងលេចឡើង ដោយយកពួកគេទាំងពីរ ទៅប្រៀបធៀបជាមួយក្រុម Coach ដទៃទៀតប៉ុណ្ណោះ។ មានន័យថា ពួកគេមានពីរចំណុចនោះ ខុសពី Coach និងកូនក្រុមដទៃទៀតដាច់ប៉ិតតែម្ដង។

សុំជូនត្រឹមប៉ុណ្ណឹង...និងជឿថា ប្រិយមិត្តខ្លះ អាចនឹងរកឃើញ ប៉ុន្តែច្រើនណាស់ត្រឹមតែមួយចំណុចប៉ុណ្ណោះ។ ដូច្នេះចម្លើយដ៏ច្បាស់លាស់ ១០០% ថារឿងគាប់ជួនទាំងពីរនោះ មានលើខ្លួន Coach ឆន សុវណ្ណរាជ និងកូនក្រុម ប៊ុត សីហា ជាអ្វី Sabay នឹងលាតត្រដាងជូននៅថ្ងៃបន្ទាប់។

អត្ថបទផ្សេងទៀតពាក់ព័ន្ធនឹង The Voice Cambodia សូមចុចទីនេះ...!!!