តារាខ្មែរអាមេរិកនឹងចេញបទខារ៉ាអូខេថ្មីស្ទីលរាំប្លែកភ្នែក
- 2014-12-04 20:37:25
- ចំនួនមតិ 0 | ចំនួនចែករំលែក 0
តារាខ្មែរអាមេរិកនឹងចេញបទខារ៉ាអូខេថ្មីស្ទីលរាំប្លែកភ្នែក
ចន្លោះមិនឃើញ
តារាចម្រៀងខ្មែរអាមេរិក នាង Laura Mam អាយុ២៨ឆ្នាំ ដែលបានអង្រួនដួងចិត្តទស្សនិកជនក្នុងស្រុកខ្មែរតាមរយៈបទចម្រៀងជាភាសាខ្មែរនៅប៉ុន្មានឆ្នាំចុងក្រោយនេះ គ្រោងនឹងចេញបទចម្រៀងខារ៉ាអូខេ (MV) ថ្មីមួយទៀតហើយនៅសប្ដាហ៍ក្រោយ។
តាមរយៈសារដ៏ខ្លីសរសេរខាងក្រោមវីដេអូ Youtube ឲ្យដឹងថា បទចម្រៀងនេះនឹងចេញនៅថ្ងៃចន្ទខាងមុខ ប៉ុន្តែវីដេអូដ៏ខ្លីខាងក្រោមនេះគឺដើម្បីផ្សព្វផ្សាយឲ្យប្រិយមិត្តដែលនិយមបទរបស់នាងបានដឹងអំពីការសម្ពោធបទចម្រៀងរបស់ខ្លួនជាផ្លូវការ។
បទចម្រៀងខារ៉ាអូខេនេះជាបទចាស់ ច្រៀងតាំងពីទសវត្សរ៍ទី៦០ ដោយអ្នកស្រី ប៉ែន រ៉ន ដែលមានចំណងជើងថា "ខ្ញុំមិនសុខចិត្តទេ" ប៉ុន្តែត្រូវបានយកមកថតជាវីដេអូដ៏រស់រវើក ជាមួយនឹងសាច់ភ្លេងរន្ថើនជាងមុន។ http://youtu.be/87QngxhskPg
តារាចម្រៀងខ្មែរអាមេរិក នាង Laura Mam មានក្រុមចម្រៀងរបស់ខ្លួនមួយឈ្មោះថា “The Like Me’s”។ នាងបានចេញនូវបទចម្រៀងច្រើនដែរ ដូចជា "មន្តទឹកភ្លៀង” ,“សុបិនស្នេហ៍", "ដន្ត្រីស្នេហ៍" ជាពិសេសបទដ៏ទាក់ទាញ ធ្វើឲ្យគេចាប់ផ្ដើមស្គាល់នាងគឺបទ "ផ្កាព្រហាមរីកពព្រាយ”៕
ប្រភព៖ youtube
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
