មោទនភាព! ទង់ជាតិខ្មែរបង្ហាញមុខលើឆាកប្រកួតជើងឯក Dj ប្រចាំអាស៊ី

2014-12-04 22:05:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ឃ្លិបវីដេអូថ្មីមួយទើបតែបង្ហោះពីហ្វីលីពីនកាលពីដើមខែធ្នូនេះ បានបង្ហាញពីទង់ជាតិខ្មែរដែលបានបង្អួតរាងបណ្ដែតខ្លួនគួរជាទីមោទនៈលើឆាកប្រកួតជើងឯក Dj អន្តរជាតិលំដាប់អាស៊ី Pioneer Digital DJ Battle Asia Championship 2014 នៅទីក្រុងម៉ានីល ប្រទេសហ្វីលីពីន កាលពីពេលថ្មីៗកន្លងទៅនេះ។

ការប្រកួតកក្រើកឆាកអន្តរជាតិនេះ មានការចូលរួមរបស់ Dj ជើងខ្លាំងលេខ១ មកពីតំណាងប្រទេសរៀងខ្លួនៗទាំង៩៖ កម្ពុជា អូស្ត្រាលី អារ៉ាប់រួម សិង្ហបុរី ហ្វីលីពីន ម៉ាឡេស៊ី ឥណ្ឌូណេស៊ី ថៃ និងវៀតណាម ខណៈដែល Dj តំណាងកម្ពុជាលើកដំបូងមិនធ្លាប់មាន ជា Dj ស្រីវ័យក្មេងត្រឹម២១ឆ្នាំដ៏ជោគជ័យចំណូលប្រចាំខែមិនក្រោម ៤០០០ដុល្លារ គឺ Dj Maily។

Maily ដែលមានឈ្មោះដើមថា ឃុន វុឌ្ឍានិត បាននាំយកមោទនភាពជាតិខ្មែរទៅបង្ហាញឆាកអន្តរជាតិក្នុងពិភព Digital Dj បើទោះជានាងមិនបានជាប់ជើងឯកក្នុងការប្រកួតនេះក៏ដោយ។

http://youtu.be/xuEgR45XSCs

Pioneer Digital DJ Asia Championship 2014 នេះ បានធ្វើឡើងតាំងពីថ្ងៃទី១៨ ខែតុលា មកម្ល៉េះ ហើយជើងឯកបានលើប្រទេសថៃ ៕

ដោយ៖ សុផាត រូបភាព៖ DJ Maily Facebook