ម្ចាស់ហាងប្រើគ្រឿងញៀនក្នុងគុយទាវត្រូវចាប់ដាក់គុក
- 2014-09-28 18:08:23
- ចំនួនមតិ 0 | ចំនួនចែករំលែក 0
ម្ចាស់ហាងប្រើគ្រឿងញៀនក្នុងគុយទាវត្រូវចាប់ដាក់គុក
ចន្លោះមិនឃើញ
ម្ចាស់ហាងគុយទាវ Yan'an ក្នុងខេត្ត Shaanxi ប្រទេសចិនម្នាក់ ត្រូវបានឃុំខ្លួនបន្ទាប់ប៉ូលិសរកឃើញថា លោកបានដាក់អាភៀនក្នុងអាហារ ក្នុងគោលបំណងទាញឱ្យអតិថិជនមករាល់ថ្ងៃ។
បើយោងតាមប៉ូលិស ម្ចាស់ហាងឈ្មោះ Zhang សារភាពថា លោកបានកិនផ្កាអាភៀនដាក់ចូល ក្នុងអាហាររបស់ភ្ញៀវមែន។ បណ្ដាញព័ត៌មានHua Shang Bao Daily រាយការណ៍ថា ការសារភាពរបស់ Zhang បានធ្វើឡើងក្រោយអតិថិជនម្នាក់ ត្រូវប៉ូលិសធ្វើតេស្តឃើញសារធាតុញៀន ពេលជាប់ចរាចរណ៍តាមផ្លូវនៅដើមខែនេះ។
លោក Liu Juyou វ័យ២៦ឆ្នាំដែលជាភ្ញៀវ បានសម្ដែងអារម្មណ៍មិនយល់ ក្រោយប៉ូលិសរកឃើញសារធាតុញៀន ដែលអាចធ្វើញៀនខ្លាំងនិងបណ្ដាលឱ្យស្លាប់យ៉ាងដូច្នេះ។ ប៉ុន្តែលោកបញ្ជាក់ថា លោកជាមនុស្សស្អាតស្អំ។
លោកZhang បានទិញផ្កាអាភៀន២គីឡូក្រាមក្នុងតម្លៃ១០០ដុល្លារកាលពីខែសីហា ហើយកិនដាក់ក្នុងគុយទាវ ដើម្បីបង្កើនរសជាតិហើយធ្វើឱ្យមុខជំនួញប្រសើរឡើង។
ចំណែកចុងភៅហាងនេះក៏សារភាពថា ពិតជាដាក់អាភៀនក្នុងគុយទាវពិតមែន ហើយលោកត្រូវជាប់គុក១០ថ្ងៃ ខណៈម្ចាស់ហាងប្រភពមិនបានបញ្ជាក់ថា ជាប់គុកប៉ុន្មានខែឬឆ្នាំទេ។ អាភៀនជារុក្ខជាតិញៀន ដែលអាចធ្វើឱ្យអាហារមានឱជារសឆ្ងាញ់ ប៉ុន្តែវានឹងធ្វើឱ្យមនុស្សញៀនខ្លាំងបើប្រើច្រើនលើសលប់នោះ៕ ប្រែសម្រួល៖ អ៊ុំ សុភក្តិ ប្រភព៖ Mirror
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
