ឃើញទេ...ស្រីស្អាតបាត់ដំបង ទោះធ្លាក់ពី The Voice Cambodia នៅតែក្លាយជាតារាចម្រៀងអាជីព!

2014-12-08 16:09:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា ពេជ្រ ស៊ីកា ដែលជ្រុះចេញពីកម្មវិធី The Voice Cambodia ត្រឹមវគ្គ The Battle នោះ ឥឡូវក្លាយជាតារាចម្រៀងអាជីពហើយ ក្រោយបានឈានជើងចូលរួមជាមួយផលិតកម្ម BKS ដែលមាននិន្នាការផលិតតែបទចម្រៀងថ្មីសុទ្ធ។

លោក ឈុន សុវណ្ណភក្ដី ជាចាងហ្វាងផលិតកម្ម បានទម្លាយឲ្យដឹងពីបញ្ហានេះ។ លោក បន្តថា "សម្រាប់ខ្ញុំ ស៊ីកា គាត់មានសំឡេងល្អបំផុត"។

កញ្ញា ពេជ្រ ស៊ីកា មកពីខេត្តបាត់ដំបង កញ្ញាទើបតែមានវ័យ១៦ឆ្នាំប៉ុណ្ណោះគិតត្រឹមឆ្នាំ ២០១៤នេះ។ជាមួយនឹងវ័យដ៏ក្មេងខ្ចីនេះ លោក សុវណ្ណភក្ដី ថ្លែងថា កញ្ញា ស៊ីកា នឹងមានអនាគតវែងឆ្ងាយ ក្នុងនោះកញ្ញាថែមទាំងមានរូបសម្ផស្សល្អស្រស់ និងមានសំឡេងល្អទៀត។ ដូច្នេះហើយ គ្រាន់តែចូលមកក្នុងផលិតកម្មលោកភ្លាម លោកក៏បានរៀបចំចម្រៀងសម្រាប់នាងភ្លាមតែម្ដង។

“បទនោះមានចំណងជើងថា "បើបងជ្រុលមានគេ ម្ដេចមាសមេមិនប្រាប់" ជាបទតពីបទ "ថ្ងៃខួបស្នេហ៍យើងបែកគ្នា" ហើយយើងបានរៀបចំថតជា MV រួចហើយ ត្រៀមនឹងចេញលក់លើទីផ្សារក្នុងឆាប់ៗនេះ”។ លោក ឈុន សុវណ្ណភក្ដី បន្ថែម។

សម្រាប់ការបើកទីផ្សារនាពេលនេះ ពេជ្រ ស៊ីកា ទើបមានបទចម្រៀងប៉ុណ្ណោះ។ យ៉ាងណា ចាងហ្វាងផលិតកម្មវ័យក្មេង ថ្លែងថា តារាចម្រៀងវ័យក្មេងរូបនេះ នឹងមានបទចម្រៀងជាបន្តបន្ទាប់ទៀត ដើម្បីទន្ទ្រានយកទីផ្សារ។

កញ្ញា ពេជ្រ ស៊ីកា ក្នុងវគ្គ "The Battle" របស់កម្មវិធី The Voice Cambodia

កញ្ញា ពេជ្រ ស៊ីកា គឺជាតារាចម្រៀងធ្លាក់ពី The Voice Cambodia ទី២ បន្ទាប់ពីលោក ប្រុក ចាន់ថន ដែលបានចូលរួមជាមួយផលិតកម្ម BKS។ ក្នុងកម្មវិធីប្រឡងចម្រៀងដ៏ពេញនិយមនេះ កញ្ញា បានឆ្លងផុតវគ្គ Pre Audition និងវគ្គ Blind Audition។ ប៉ុន្តែតារាចម្រៀងមកពីខេត្តបាត់ដំបងរូបនេះ បានជ្រុះចេញត្រឹមវគ្គ The Battle ក្រោយជួបតស៊ូជាមួយបេក្ខនារីពីរដួងទៀត គឺបេក្ខនារី សាមុត ស្រីកា និងបេក្ខនារី ភួង សុភី ក្នុងបទ "បេះដូង១០០"។ វគ្គនេះ គឺបេក្ខនារី សាមុត ស្រីកា នៅរាជធានីភ្នំពេញជាអ្នកជាប់។

នៅគ្រានោះ លោក ណុប បាយ៉ារិទ្ធ ដែលជា Coach របស់ពួកនាង ថ្លែងថា លោកមានការពិការក្នុងការសម្រេចចិត្តបំផុត។ អីចឹងតោះ...បកទៅមើលការប្រកួតដ៏តានតឹងនោះទាំងអស់គ្នា...!!!

អត្ថបទផ្សេងទៀតពាក់ព័ន្ធនឹង The Voice Cambodia សូមចុចទីនេះ…!!!

http://youtu.be/7fK6FimmQUc

អត្ថបទ៖ ទារិកា