រឿងឆ្កួតៗ ៥ យ៉ាងដែលអ្នកមានបំផុតនៅចិន Jack Ma ធ្លាប់ធ្វើ

2014-12-09 23:04:18
ចំនួនមតិ 0 | ចំនួនចែករំលែក 0

ចន្លោះមិនឃើញ

Jack Ma ដែលជាម្ចាស់ក្រុមហ៊ុនលក់ទំនិញលើអនឡាញ Alibaba និងជាអ្នកមានបំផុតនៅក្នុងប្រទេសចិនបានប្រែក្លាយខ្លួនយ៉ាងអស្ចារ្យពីគ្រូបង្រៀនភាសាអង់គ្លេសម្នាក់ទៅជាមហាសេដ្ឋីប្រាក់វាល់លាន។ ថ្វីត្បិតតែជាអ្នកមាន និង ជាម្ចាស់ក្រុមហ៊ុនដ៏ធំក៏ពិតមែន តែលោកក៏ទម្លាប់ធ្វើរឿងចម្លែកមួយចំនួនដែលអ្នកមិននឹកស្មានដល់។ ខាងក្រោមនេះគឺជារឿងចម្លែក ៥ យ៉ាងដែល អ្នកមិនដឹងពី លោក Jack Ma។

១. ហាត់ក្បាច់ថៃជី ជាសាធារណៈ

ដូចដែលប្រិយមិត្តបានឃើញស្រាប់នៅក្នុងរូបភាពខាងលើ លោក Ma បានសម្ដែងជាមួយតារាកំប្លែងហុងកុងលោក Stephen Chow (ទិនហ្វី) យ៉ាងសប្បាយរីករាយក្នុងកម្មវិធីបង្ហាញពីសិល្បៈប្រយុទ្ធបែបបុរាណមួយនេះនៅក្នុងសាកលវិទ្យាល័យទំនាក់ទំនងនៃប្រទេសសចិន ក្នុងទីក្រុងប៉េកាំង កាលពីខែមករា ឆ្នាំ២០១៣កន្លងទៅ។

២. ចូលចិត្តសម្ដែងនៅលើឆាក

កាលពីថ្ងៃទី ១០ ខែកញ្ញា ឆ្នាំ ២០០៩ ក្នុងពីធីជប់លៀងគម្រប់ខួប ១០ ឆ្នាំរបស់ក្រុមហ៊ុនលោកនៅក្នុងទីក្រុង Gangzhou ភាគខាងលិចប្រទេសចិន លោក Ma បានតុបតែខ្លួនចម្លែកដូចតារាចម្រៀងរ៉ុកអ៊ីស្លង់ Bjork កាលពីនាងអាយុ ២០ឆ្នាំសម្ដែងក្នុងកម្មវិធី Wiccan អញ្ចឹង។

៣. អ្នកគាំទ្ររឿងប្រឌិតបែបវិទ្យាសាស្ត្រ "Terminator " សម្ដែងដោយ Arnold ដែរ

កាលពីឆ្នាំ ២០១០ លោកបានជួបជាមួយអតីតអភិបាលរដ្ឋកាលីហ្វ័រញ៉ា និងជាតារាសម្ដែងលោក Arnold Schwarzenegger ដោយពាក់អាវធំធ្វើពីស្បែក និង វ៉ែនតាពណ៌ខ្មៅដូចតួអង្គ Arnold ក្នុងរឿង "Terminator" ដែលកាលណោះ តារាសម្ដែងអាមេរិកល្បីខាងវាយតប់ បាញ់ប្រហារធ្វើដំណើរទស្សនៈកិច្ចទៅចិនក្នុងនាមជាអ្នកតំណាងសំលៀកបំពាក់ដែលលោកស្លៀកក្នុងរឿង "Terminator”។ បើកាលណោះ លោកMa បានដឹងថាក្រុមហ៊ុនរបស់លោកនឹងហក់ចូលទីផ្សារមូលប័ត្រអាមេរិកនៅបួនឆ្នាំបន្ទាប់ លោកប្រហែលជាអាចនិយាយទៅកាន់ Arnold ថា "ចាំជួបគ្នាម្ដងទៀតនៅអាមេរិក” មិនខាន។

៤. ធ្វើរឿងប្លែកពេលសម្ពោធផលិតផលថ្មី

លោក Ma និង អនុប្រធានរបស់ Alibaba លោក Oliver Wang បានលើកដៃប៉ះទៅបាល់គ្រីស្តាល់ដូចត្បូងវេទមន្តរបស់មេធ្មប់ ពេលសម្ពោធក្រុមហ៊ុន Software ឈ្មោះថា ALISOFT ក្នុងសន្និសីទកាលពីឆ្នាំ២០០៧ នៅទីក្រុងសៀងហៃប្រទេសចិន។ ការលើកដៃប៉ះត្បូងគ្រីស្តាល់ដូចមេធ្មប់ជប់អ្វីមួយនេះ ចំពោះ Ma ជាវិធីដ៏ល្អក្នុងការណែនាំឲ្យស្គាល់ផលិតផលថ្មីរបស់ក្រុមហ៊ុនលោក។

៥. ចូលចិត្តច្រៀង

ក្នុងការសំដែងនៅលើឆាកក្នុងពិធីគម្រប់ខួបលើកទី១០នៃផ្សារលក់ទំនិញអនឡាញ Taobao លោក Ma បានស្លៀកសំលៀកបំពាក់អាវធំពណ៌ទឹកប្រាក់ និងវែនតាស្រែកច្រៀងមិនខុសពីតារាបង្ហាញម៉ូដឲ្យក្រុមហ៊ុនផលិតសំលៀកបំពាក់ Kangol ឡើយ៕

អាន៖ កំពូល Smartphone របស់ក្រុមហ៊ុនធំៗទាំង១១ ប្រចាំឆ្នាំ ២០១៤

ប្រែសម្រួល៖ សំនៀង ប្រភព៖ time