កីឡា ១៣ ប្រភេទចាប់បង្ហាញឫទ្ធិក្នុងបុណ្យសមុទ្រនៅកោះកុងរយៈពេល ៣ ថ្ងៃ
- 2014-12-12 21:35:40
- ចំនួនមតិ 0 | ចំនួនចែករំលែក 0
កីឡា ១៣ ប្រភេទចាប់បង្ហាញឫទ្ធិក្នុងបុណ្យសមុទ្រនៅកោះកុងរយៈពេល ៣ ថ្ងៃ
ចន្លោះមិនឃើញ
យ៉ាងហោចណាស់កីឡាចំនួន ១៣ ប្រភេទនឹងបង្ហាញឫទ្ធិក្នុងពិធីបុណ្យសមុទ្រឆ្នាំ ២០១៤ នេះរៀបចំនៅខេត្តកោះកុង ចាប់ពីថ្ងៃទី ១២ ដល់ ១៤ ខែ ធ្នូ ចុងឆ្នាំ ២០១៤ នេះដែលរៀបចំឡើងដោយក្រសួងទេសចរណ៍សហការជាមួយអាជ្ញាធរពាក់ព័ន្ធ។
រៀបចំប្រណាំងកង់នៅព្រឹកមិញ
១) ប្រដាល់សេរី៖ ប្រកួតនៅសួនច្បារសាលាខេត្តថ្មី រៀងរាល់ល្ងាច ក្នុងនោះមាន កីឡាករកម្ពុជា ប្រកួតជាមួយកម្ពុជា ៣ គូ និង កីឡាករកម្ពុជាប្រកួតជាមួយ ថៃ ៣ គូ។ ២) ប្រណាំងកង់ (ចម្ងាយ ៤០ គីឡូម៉ែត្រ)៖ ចេញដំណើរពីសួនច្បារមុខសាលាខេត្តថ្មី នៅម៉ោង ៦ ដល់ ៩ ព្រឹកថ្ងៃទី ១២ ធ្នូ ឆ្នាំ ២០១៤ ដោយមានកីឡាករកម្ពុជាចំនួន ៥០ នាក់ និង ថៃ ២០ នាក់ចូលរួម។ ៣) វាយកូនគោល៖ ប្រកួតនៅកោះស្ដេច នៅថ្ងៃទី ១២ ខែ ធ្នូ ឆ្នាំ ២០១៤ ចាប់ពីម៉ោ ១ រសៀលតទៅ ដោយមានថ្នាក់ដឹកនាំខេត្តត្រាត របស់ថៃចូលរួមផងដែរ។ ៤) កីឡាអុកចត្រង្គ៖ ប្រកួតនៅមហោស្រពកោះកុង ចាប់ពីថ្ងៃទី ១២ ដល់ ១៣ ធ្នូ ដោយមានប្រជាពលរដ្ឋក្នុងខេត្តចូលរួម។ ៥) កីឡារត់ប្រណាំង (៣ និង ៥ គីឡូម៉ែត្រ)៖ ចេញដំណើរពីសួនច្បារមុខសាលាខេត្តថ្មី ចាប់ពីម៉ោង ៦ ដល់ ៩ ព្រឹកថ្ងៃទី ១៣ ធ្នូ ឆ្នាំ ២០១៤ ដោយមានសិស្ស និស្សិត ប្រជាពលរដ្ឋក្នុងខេត្តចូលរួម។ ៦) ជិះកង់ទេសចរណ៍កម្សាន្ត៖ ចេញដំណើរពីសួនច្បារមុខសាលាខេត្តថ្មី ចាប់ពីម៉ោង ៩:៣០ ដល់ ១១:៣០ នាទីព្រឹក មានប្រជាពលរដ្ឋ និង កម្ពុជាប្រមាណជា ៩៩៩ នាក់ចូលរួម។ ៧) ប្រណាំងទូក៖ ទល់មុខសួនច្បារសាលាខេត្តថ្មី ចាប់ពីម៉ោង៩:៣០ នាទីដល់ ១១:៣០ នាទីព្រឹកថ្ងៃទី ១៣ ធ្នូ ឆ្នាំ ២០១៤ មានប្រជាពលរដ្ឋក្នុងខេត្តចូលរួម។ ៨) កីឡាហោះហើរ៖ ហោះហើរនៅពីលើបរិវេណសួនច្បារសាលាខេត្តថ្មី នៅថ្ងៃទី ១២/១៣ ធ្នូ ឆ្នាំ ២០១៤ ដោយមានកីឡាករ ថៃ និង កម្ពុជា ចូលរួមជាមួយគ្នា។ ៩) កីឡាម៉ូតូទឹក៖ ធ្វើឡើងនៅមុខសួនច្បារសាលាខេត្តថ្មី នៅថ្ងៃទី ១៣ ខែ ធ្នូ ឆ្នាំ ២០១៤ ចាប់ពីម៉ោង ២ រសៀលដល់ ៥ ល្ងាច។ ១០) កីឡាហែលទឹក (៥ គីឡូម៉ែត្រ)៖ នៅសណ្ឋាគារកោះកុង ក្នុងថ្ងៃទី ១៤ ធ្នូ ចាប់ពីម៉ោង ៨ ដល់ ៩ ព្រឹកតទៅ។ ១១) កីឡាទ្រីយ៉ាត្លុង៖ នៅសណ្ឋាគារកោះកុង ចាប់ពីម៉ោង ៧ ព្រឹក នៅសណ្ឋាគារកោះកុង។ ១២) កីឡាបាល់ទះលើឆ្នេរខ្សាច់៖ នៅសណ្ឋាគារកោះកុង ចាប់ពីថ្ងៃទី ១៣ ដល់ ១៤ ធ្នូ ដោយមានក្រុមមកពីប្រទេសថៃ ចូលរួមដែរ។ ១៣) កីឡាប៉េតង់៖ រៀបចំនៅទីរួមខេត្ត ចាប់ពីថ្ងៃទី ១២ ដល់ ១៤ ធ្នូ ឆ្នាំ ២០១៤ ដោយមានការចូលរួមប្រកួតពីសំណាក់ប្រជាពលរដ្ឋតាមភូមិ ឃុំ ក្នុងខេត្ត។
បុណ្យសមុទ្រត្រូវបានបង្កើតឡើងដើម្បី ផ្សព្វផ្សាយអំពីសក្ដានុពលទេសចរណ៍ នៃឆ្នេរសមុទ្ររបស់កម្ពុជាដែលបានចូលជាសមាជិកនៃក្លិបឆ្នេរសមុទ្រដ៏ស្អាតបំផុតនៅលើសកលលោក។ ពិធីនេះបានរៀបចំដំបូងនៅឆ្នាំ ២០១២ ឯខេត្តព្រះសីហនុ និងលើកទី ២ នៅឆ្នាំ ២០១៣ ក្នុងខេត្តកែប៕
អត្ថបទ៖ ម៉ឺន រស្មី