២០១៤ នេះគ្រាន់តែមង្គលការ ខួបកំណើត ឡើងផ្ទះ លាង ឧត្តម ចំណាយដល់ក!

2014-12-16 18:27:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ចូលដល់រដូវការភ្លាមមិនត្រឹមសាមញ្ញជន រហូតដល់សិល្បករថ្ងូរដូចគ្នា ខណៈលោក លាង ឧត្តម តារាសម្ដែងម្នាក់ ថ្លែងថាលោកបានចំណាយដល់ទៅជាង ១ពាន់ដុល្លារសម្រាប់តែចងដៃមង្គលការ ខួបកំណើត និងពិធីជប់លៀងផ្សេងៗរបស់មិត្តភ័ក្ដិរួមអាជីព។

“មួយរោងភាគច្រើន ៣០ដុល្លារ បូកទាំងកម្មវិធីធំៗ និងតូចៗ សរុបចាយវាយខ្ទង់ ១០០០ដុល្លារជាងណាបង" ។ លោក ឧត្តម ថ្លែងថា លោកស្ទើរមិនចោលការអញ្ជើញមួយរោងសោះ ក្នុងឆ្នាំ ២០១៤នេះ ក្នុងនោះលើកលែងតែចំពេលរវល់ចាំបាច់បំផុតប៉ុណ្ណោះ។

កម្មវិធីភាគច្រើនបំផុតដែលលោកតែងតែចូលរួមមានភាគច្រើន ជប់លៀងខួបកំណើត ឡើងផ្ទះ និងមង្គលការជាដើម ក្នុងនោះមង្គលការអ្នកនាង ឈួន ស្រីម៉ៅ និង យុង ចាន់កណ្ណិកា ក៏លោកបានអញ្ជើញចូលរួមដែរ។ កម្មវិធីចុងក្រោយដែលលោកបានចូលរួម គឺពិធីជប់លៀងមង្គលការ ប៊ីរីយ៉ា កាលពីថ្ងៃទី ១០ ធ្នូកន្លងទៅ។

"បងគេអញ្ជើញ គឺគេរាប់អានយើង អីចឹងខ្ញុំនឹងទៅបើមានពេល...ខ្ញុំស៊ូទៅបើគេហៅ!"។ លោក លាង ឧត្តម បន្ថែម។ វិលមកចំនួនកម្មវិធីទាំងឡាយដែលគេបានអញ្ជើញវិញ តារាសម្ដែងដែលសម្ដែងបានតួជាច្រើន មានឪពុក ថៅកែ អ្នកដឹកនាំរឿង និងកំប្លែងនេះ ប្រាប់ថា ចាំអត់អស់ទេ ព្រោះច្រើនពេក។

“សូមទោសបង ច្រើនពេក ហួសពីការស្មាន ពិបាកនឹងប្រាប់ ប៉ុន្តែអាចប្រាប់ត្រឹមថា គ្រាន់តែចាប់ផ្តើមចូលខែការមក មានតែលើស ១០រោងក្នុង១ខែ”។

លោក លាង ឧត្តម និងបងប្អូនកញ្ញា ដួង លីនដា(ស្ដាំ) ដួង លីយ៉ា(ឆ្វេង) ក្នុងថ្ងៃមង្គលការ ប៊ីរីយ៉ា

លោក លាង ឧត្តម បានចូលប្រឡូកសិល្បៈតាំងពីឆ្នាំ ២០០៦ បន្ទាប់ហាត់រៀននៅសមាគមស៊ីន ស៊ីសាមុត ដោយចូលសិល្បៈដំបូងលោកធ្វើជាតារាចម្រៀង។ ប្រឡូកបានមួយរយៈ លោកបានប្តូរអាជីពមកជាតារាសម្ដែងវិញ ដោយមកដល់បច្ចុប្បន្នលោកបានចូលរួមសម្ដែងភាពយន្ត និងខារ៉ាអូខេជាច្រើន។

ស្នាដៃភាពយន្តចុងក្រោយរបស់លោក លាង ឧត្តម គិតត្រឹមថ្ងៃទី ១៦ធ្នូនេះ មានរឿង "ភ្លើង" និង "លាក់ស្នេហ៍ក្នុងបេះដូង"។ ឧត្តម បញ្ជាក់ថា " ស្អែកនេះ ចាប់ផ្ដើមថតរឿងថ្មីមួយទៀត តែខ្ញុំអត់ទាន់ដឹងថារឿងអីនៅឡើយទេ ខ្ញុំទើបតែប្រុងទៅយកប៉ារ៉ូលថ្ងៃនេះទេ"៕

អត្ថបទ៖ នាយ កុយ និង នាយ ក្រឹម លាក់បាំងព័ត៌មានឡើងស័ក្ដិជាឧត្ដមសេនីយ៍ផ្កាយ១?

អត្ថបទផ្សេងទៀតពាក់ព័ន្ធបញ្ហាតារាជាតិ មាននៅទីនេះ!!!

អត្ថបទផ្សេងទៀតពាក់ព័ន្ធជុំវិញតារាជាតិ មាននៅទីនេះ!!!

អត្ថបទ៖ ទារិកា