រូបភាពប្លែកៗរបស់ Clara មុនចេញ Album ចម្រៀង "Gwiyomi Song 2”

2014-12-17 16:45:42
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង ច្រៀង និង Rap នាង Clara បានបង្ហោះរូបភាពស្ទិលសំលៀកបំពាក់ប្លែកៗជាច្រើនសន្លឹក សម្រាប់ការថតអាល់ប៊ុមចម្រៀង “Gwiyomi Song 2” ដែលនឹងចេញលក់នៅពេលឆាប់ៗខាងមុខនេះ។

Clara បានលេងម៉ូដអាវមុខតុក្កតាប្លែកៗ និងពណ៌សក់ស្រស់ឆើតឆាយ ដែលមើលទៅមានលក្ខណៈចម្រុះពណ៌តែម្ដង។ អាល់ប៊ុមចម្រៀង “Gwiyomi Song 2” ជាជំនាន់ថ្មីបន្ទាប់ពីអាល់ប៊ុមចម្រៀង “Gwiyomi Song” ដែលផលិតឡើងដោយលោក Dandy និងច្រៀងដោយ Hari។ អាល់ប៊ុមចម្រៀងចាស់នេះទទួលបានការគាំទ្រខ្លាំងនៅកូរ៉េខាងត្បូងកាលពីឆ្នាំ ២០១៣ ជាពិសេសពេល “Gwiyomi Song” ចេញលក់នៅលើទីផ្សារភ្លាម មានអ្នកទិញយកទៅស្ដាប់ច្រើនមិនស្ទើរទេ ដោយសារតែបទនេះមានសាច់ភ្លេង ទំនុកច្រៀង និងកាយវិការសម្ដែងស័ក្ដិសមបំផុត។ ដល់ពេលនេះ Dandy បានជ្រើសរើសឲ្យ Clara ជាអ្នកច្រៀងវិញម្ដង ដែលនាងពិតជាមានទេពកោសល្យសម្ដែង និងច្រៀងសម្រាប់អាល់ប៊ុម “Gwiyomi Song 2” ជំនាន់ថ្មីនេះ។

បទថ្មីនេះ នឹងផ្ដល់រសជាតិប្លែកអារម្មណ៍ ដល់ទស្សនិកជន ដោយសារវីដេអូចម្រៀងបានបង្ហាញសកម្មភាពរស់រវើក ទឹកដមសំនៀងពីរោះ ហើយប្រាកដជាអាចទាក់ទាញការចាប់អារម្មណ៍ពីអ្នកស្ដាប់ ដែលមិនងាយនឹងអាចបំភ្លេចបាន។ រូបភាពមួយចំនួនរបស់ Clara ខាងក្រោមនេះ ត្រូវបានគេថតទុកសម្រាប់អាល់ប៊ុមចម្រៀងថ្មី ដែលនឹងចេញជាផ្លូវការនៅថ្ងៃទី ២២ ធ្នូ ចុងឆ្នាំនេះ៕