Neymar ត្រូវអ្នកគាំទ្រប្ដឹងទារលុយជាងមួយម៉ឺនដុល្លារ
- 2014-12-18 21:52:46
- ចំនួនមតិ 0 | ចំនួនចែករំលែក 0
Neymar ត្រូវអ្នកគាំទ្រប្ដឹងទារលុយជាងមួយម៉ឺនដុល្លារ
ចន្លោះមិនឃើញ
កីឡាករ Neymar ត្រូវអ្នកគាំទ្រនៅប្រេស៊ីលម្នាក់ឈ្មោះ Luciano Pereira Caparroz ប្ដឹងទារសំណងជាងមួយម៉ឺនដុល្លារអាមេរិក ទាក់ទងនឹងរឿងខ្សែប្រយុទ្ធវ័យ២២ឆ្នាំរូបនេះ ផ្លាស់ពី Santos មកកាន់ Barcelona។
បុរសដែលជាអ្នកគាំទ្រស្មោះស្ម័គ្ររបស់ Santos រូបនេះ បានបញ្ជាក់ថា Neymar បានព្រមចុះកុងត្រាជាមួយក្រុមអ្នកមានបុណ្យ Barca តាំងពីមុនការប្រកួត FIFA Club World Cup រវាង Santos និង Barca នាឆ្នាំ២០១១ នោះមកម្ល៉េះ ដែលមានន័យថា Neymar លេងនៅក្លិប Santos មែនពិត តែចិត្តគេនៅ Barcelona បាត់ទៅហើយ។
រូបភាពការប្រកួតឆ្នាំ២០១១នៅប្រទេសជប៉ុន
បន្ថែមពីលើនេះដែរ Caparroz បាននិយាយថា៖ “ខ្ញុំជាអ្នកគាំទ្រស្លាប់រស់របស់ក្លិប Santos ។ ខ្ញុំតែងតែទៅមើលរាល់ការប្រកួតរបស់ក្រុម ទោះជាទៅដល់ណាក៏ដោយ។ តួយ៉ាងដូចកាល FIFA Club World Cup ដែលធ្វើឡើងនៅជប៉ុន ខ្ញុំក៏សុខចិត្តចំណាយលុយផ្ទាល់ខ្លួនជិះយន្តហោះទៅដែរ។ ប៉ុន្តែចុងបញ្ចប់ពួកគេបែរជាមកបោកខ្ញុំទៅវិញ ព្រោះ Neymar បានយល់ព្រមថានឹងផ្ទេរទៅលេងឱ្យ Barca តាំងពីមុនប្រកួតទៅទៀត (sign pre-contract)។ ខ្ញុំមានអារម្មណ៍ថាខ្លួនឯងល្ងង់ខ្លាំងណាស់ពេលបានដឹងរឿងនេះ”។
Luciano Pereira Caparroz ជាអ្នកគាំទ្ររបស់ក្លិប Santos ដ៏ស្មោះស្ម័គ្រម្នាក់ ហើយការទៅមើលការប្រកួតនៅប្រទេសជប៉ុននោះរូបគេបានចំណាយប្រាក់អស់ ២០០០ផោន (ជាង៣ពាន់ដុល្លារ)។ ហើយលទ្ធផលនៃការប្រកួតនោះដែរគឺក្រុម Santos ចាញ់ Barcelona ដល់ទៅ៤-០៕
ចុចអាន៖ស្តេច Free Style ប៉ះ Neymar មួយណាជាអ្នកខ្លាំងពិតប្រាកដ?
ប្រែសម្រួល៖ មុន្នី រម្យ ប្រភព៖sportskeeda