កោះកុងខេត្តឆ្នេរដែនដីស្តុកស្តម្ភរមណីយដ្ឋានទាក់ទាញភ្ញៀវទេសចរ
- 2015-01-17 17:43:17
- ចំនួនមតិ 0 | ចំនួនចែករំលែក 0
កោះកុងខេត្តឆ្នេរដែនដីស្តុកស្តម្ភរមណីយដ្ឋានទាក់ទាញភ្ញៀវទេសចរ
ចន្លោះមិនឃើញ
ខេត្តកោះកុងជាខេត្តឆ្នេរដ៏ស្រស់ស្អាតមួយរបស់ប្រទេសកម្ពុជា ដែលមានព្រំប្រទល់ជាប់ប្រទេសថៃ។ ខេត្តកោះកុងកំពុងតែក្លាយជាខេត្តសក្ដានុពលទេសចរ ដោយសារតែខេត្តនេះសំបូររមណីយដ្ឋានធម្មជាតិនិងកែច្នៃ ដែលអាចទាក់ទាញភ្ញៀវជាតិនិងអន្តរជាតិមកទស្សនាកម្សាន្ត។
តើខេត្តកោះកុងមានរមណីយដ្ឋានទេសចរណាខ្លះ ដែលអាចទាក់ទាញភ្ញៀវទេសចរជាតិអន្តរជាតិទៅទស្សនាខេត្តឆ្នេរមួយនេះ?
រមណីយដ្ឋានចាំយាម
ចាំយាមជារមណីយដ្ឋានធម្មជាតិ និងកែច្នៃ ដែលត្រូវបានបង្កើតឡើងក្នុងឆ្នាំ ១៩៩៧ មានចម្ងាយ ១០ គ.ម ពីទីរួមខេត្តកោះកុង ជាប់ព្រំដែនកម្ពុជាថៃ។ រមណីយដ្ឋានចាំយាម មានលក្ខណៈប្លែកគួរឲ្យចាប់អារម្មណ៍ ដោយសារតំបន់នេះសំបូរកន្លែងកម្សាន្តមានដូចជាសួនសត្វអន្តរជាតិ Safari World ឆ្នេរសមុទ្រមុជទឹកដ៏ល្អស្អាត រួមទាំងកាស៊ីណូសម្រាប់បម្រើការកម្សាន្តរបស់ភ្ញៀវទេសចរអន្តរជាតិដែលមកកម្សាន្តនិងលំហែរអារម្មណ៍។
ទឹកធ្លាក់តាតៃ
ទឹកធ្លាក់តាតៃមានទីតាំងស្ថិតនៅភូមិតាតៃ ឃុំតាតៃ ស្រុកស្មាច់មានជ័យ តាមបណ្ដោយផ្លូវជាតិលេខ ៤៨ ចម្ងាយជាង ២០ គីឡូម៉ែត្រពីទីរួមខេត្តកោះកុង។ភ្ញៀវទេសចរបានប្រសិទ្ធិនាមរមណីយដ្ឋានតាតៃជាឋានសួគ៌សម្រាប់អ្នកដែលចូលចិត្តការធ្វើដំណើរកម្សាន្តផ្សងព្រេង។
បាងកាយ៉ាក
បាងកាយ៉ាក ជាតំបន់ទេសចរណ៍ធម្មជាតិឆ្នេរសមុទ្រនៃព្រៃកោងកាង ដែលមានទីតាំងស្ថិតនៅក្នុងឃុំពាមក្រសោប ស្រុកមណ្ឌលសីមា ខេត្តកោះកុង។ អ្វីទាក់ទាញសម្រាប់រមណីយដ្ឋានបាងកាយ៉ាក គឺការទស្សនាសម្រស់ព្រៃកោងកាងដ៏ស្រស់ស្អាតគ្មានពីររបស់ប្រទេសកម្ពុជា ដែលធ្វើឲ្យភ្ញៀវទេសចរដែលធ្វើដំណើរកម្សាន្តមកខេត្តកោះកុង នឹងមិនរំលងសម្រាប់ការទៅកម្សាន្តតំបន់រមណីយដ្ឋានពិសេសមួយនេះ។
មានរមណីយដ្ឋានណាទៀតនៅខេត្តកោះកុង ដែលប្រិយមិត្តស្គាល់ចង់បង្ហាញនិងណែនាំប្រិយមិត្តរបស់យើង?
អត្ថបទ៖ ប៊ុណ្ណារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
