ប្លែកយ៉ាងហ្នឹង...!ពេជ្រ អាវីហ្សា កែកុនខ្លួនទៀតហើយតើ!

2014-12-19 18:29:15
ចំនួនមតិ 0 | ចំនួនចែករំលែក 0

ចន្លោះមិនឃើញ

អាវីហ្សា បានបង្ហាញមុខស្លៀករ៉ូបពណ៌លឿងស្រស់ឆើតក្នុងថ្ងៃមង្គលការអ្នកនាង ប៊ីរីយ៉ា វេលាដែលនាងបានធ្លោយមាត់ថា នាងបានកែលើកខ្ទង់ច្រមុះទៀតហើយ។

ពេជ្រ អាវីហ្សា បង្ហើបដូច្នេះ តបនឹងមិត្តភ័ក្ដិជុំវិញខ្លួនភ្ញាក់ផ្អើលនឹងសម្រស់ផ្ទៃមុខប្លែករបស់នាង។ "កែច្រមុះ គឺខ្ញុំទើបកែច្រមុះទៀតតើ ពិតជាប្លែក មើលអត់ចង់ស្គាល់មែនអ្ហី...!"។ អាវីហ្សា តបនឹងមិត្តភ័ក្ដិរួមជាមួយអ្នកសារព័ត៌មានសាកសួរ។

តារាសម្ដែងរូបនេះ បានបន្តទៀតថា ច្រមុះរបស់នាង ទើបកែប្រមាណជាកន្លះខែមុនទេ ក្នុងនោះទីកន្លែងដែលនាងជ្រើសរើសសម្រាប់កែប្រែ គឺនៅប្រទេសថៃ។ អាវីហ្សា មិនបង្ហើបពីតម្លៃនៃការកែសម្ផស្សទេ ដោយនាងគ្រាន់តែបង្ហើបថាអស់ច្រើនគួរសម។

នេះមិនមែនជាលើកទី១ដែលតារាស្រីដែលទើបបាត់រថយន្ត Lexus មួយគ្រឿងរូបនេះ កែសម្ផស្ស។ នាងថា កន្លងមកនាងធ្លាប់កែចំណុចមួយចំនួននៅលើផ្ទៃមុខរួចហើយ ដូចជា ចាក់ថ្ពាល់ ភ្នែក ជាដើម។

បើទោះមានការផ្សព្វផ្សាយខ្លះៗថា ការវះកាត់កែសម្ផស្សប្រឈមនឹងបញ្ហានាពេលក្រោយ ប៉ុន្តែកិច្ចការនេះ នៅតែពេញនិយមមិនថាសាមញ្ញជន និងសិល្បករ។ អាវីហ្សា បន្តថា ទម្លាប់កែសម្ផស្សរបស់នាង ក៏អាចនឹងមិនបញ្ចប់ត្រឹមនេះដែរ។ "មានអីទៀត តាមមើលបើត្រូវកែទៀត មានតែដើមទ្រូង...ទៅហើយបង ខ្ញុំនិយាយលេងទេ...(សើច)!”។

ទើបបានបាត់រថយន្ត រថយន្តម៉ាកឡិចស៊ីស RX300 មួយគ្រឿងកាលពីវេលាម៉ោង៨យប់ថ្ងៃ ទី១៣ តុលា នៅមុខហាងស៊ុបយីហោ "ស៊ុបគោ៤០” ផ្លូវលេខ៦៣ ស្ថិតក្នុងសង្កាត់ផ្សារថ្មីទី១ ខណ្ឌដូនពេញ បន្ទាប់ពីនាង បានចាក់សោចតនៅចិញ្ចើមផ្លូវ ហើយចូលទៅហូបស៊ុប។ មកទល់នឹងពេលនេះ នៅតែគ្មានដំណឹង។ អាវីហ្សា ប្រាប់ថា នាងមានតែសង្ឃឹមលើការទិញថ្មីប៉ុណ្ណោះ យ៉ាងណា ក្នុងថ្ងៃមង្គលការរបស់ ប៊ីរីយ៉ា តារាស្រីរូបនេះ បង្ហើបថា នាងមិនទាន់បានទិញនៅឡើយទេ៕

តារាស្រី ៦ ដួងស្លៀកពាក់លេចធ្លោក្នុងខួបកំណើត អេឡិច ចាន់ត្រា យប់មិញ! គំនិតច្នៃប្រឌិតខ្ពស់ ធ្វើដើមណូអែលពីកញ្ច្រែង ល្អីខ្មែរ យុគ ចិន្តា ទប់សរសើរមិនបាន! ជួយមើលគ្នាតិចមើល...អាវីហ្សា កែប៉ុណ្ណឹងស្អាតអត់!

អត្ថបទ៖ ទារិកា