​TALK Show ​ថ្មី​ ​បែប​កំប្លុកកំប្លែង ពេញ​ដោយ​សំណើច​មិន​ចេះ​រីងស្ងួត នាំ​មក​ជូន​ដោយ​ Sabay Digital Corp. ​​ត្រៀម​នឹង​​ចាក់​បញ្ចាំង​លើ​​កញ្ចក់​ទូរទស្សន៍​ MyTV ​ឆាប់ៗ​នេះ។ ​​កម្មវិធី​ជជែក​កម្សាន្ត បង្កើន​ភាព​ស្រស់ស្រាយ​សប្បាយ​រីករាយ​​​នេះ​​​​​​នឹង​នាំ​មក​​​នូវ​ការ​ជជែក​ពិភាក្សា​​កាន់​តែ​កៀក​កិត​​ពី​​ជីវិត​​សិល្បករ​សំណព្វ​ចិត្ត​ប្រិយមិត្ត​​​​​​គ្រប់​​ទម្រង់​សិល្បៈ​​​រាប់​តាំង​ពី​តារា​សម្ដែង​ ​តារា​ចម្រៀង​​ ​តារា​​បង្ហាញ​ម៉ូដ ​ពិធីករ ពិធីការិនី ​​ដល់​តន្ត្រីករ។

​ពិធី​ការិនី​​​​ស្រស់​ស្អាត​តូច​ច្រឡឹង​ពោរពេញ​ដោយ​វោហារ​សព្ទ​ កញ្ញា​ ឈិន​ រីយ៉ា ​​នឹង​​បង្កើត​បរិយាកាស​សើច​ក្អាកក្អាយ​សប្បាយ​រីករាយ​មិន​ជិនណាយ​ ​ដល់​ពុក​ម៉ែ​បង​ប្អូន ​តាមរយៈ​កិច្ច​សន្ទនា​ ​ជជែក​កំប្លែង ​ចំអែចំអន់ ​​​ជាមួយ​តារា​ទាំង​នោះ​។ ​​វគ្គ​ "សំណួរក្ដៅ" ​នឹង​​គាស់កកាយ​ព័ត៌មាន​សម្ងាត់​របស់​តារា​ល្បីៗ​​​ទាំង​អស់​ក្នុង​កម្មវិធី​នេះ​ដែល​អ្នក​មិន​ធ្លាប់​បាន​ដឹង។

​​កម្មវិធី​សន្ទនា​​ថ្មី​​បែប​កំប្លែង ​បង្កប់​ដោយ​ព័ត៌មាន​សម្ងាត់​​ស្ដី​ពី​ជីវិត​លើ​វិថី​សិល្បៈ​ដែល​មិន​ធ្លាប់​មាន​ពី​មុន​​មក​​នេះ ​នឹង​​ចាក់​បញ្ចាំង​លើ​​កញ្ចក់​​ទូរទស្សន៍​ MyTV ​មួយ​សប្ដាហ៍​ម្ដង ​រយៈពេល៣០នាទី​ចាប់​ពី​​​ម៉ោង ៦:៣០នាទី​ដល់​ ម៉ោង ៧:០០យប់ ​រៀងរាល់​ថ្ងៃ អង្គារ៍។ ​ប្រសិន​បើ​ខកខាន​មិន​បាន​មើល​ការ​ផ្សាយ​​លើ​កញ្ចក់​ទូរទស្សន៍​ MyTV ​ ​អ្នក​ក៏​អាច​ទស្សនា​កម្មវិធី​ជជែក​កម្សាន្ត​នេះ​​ឡើង​វិញ​​​​​​​​​ បូក​បន្ថែម​សកម្មភាព​ក្រៅ​ឆាក​ផ្សេងៗ​​របស់​ក្រុមការងារ​តាមរយៈ​ Channel ​Sabay TV ​នៅ​លើ​ Youtube ​ (www.youtube.com/user/SabayTv ​។ ​កម្មវិធី​ដ៏​សម្បូរ​បែប​ ប្លែក​ ថ្មី​ "​ម៉ាអេម"​ ​​​​នេះ ​នឹង​នាំ​អារម្មណ៍​សប្បាយរីករាយ​​ជូន​ទស្សនិកជន​​​​ទាំង​​ក្នុង​ស្រុក​ និង​ក្រៅ​ស្រុក។ ​​ការ​ដំឡើង​អក្សរ​រត់​ជា​ភាសា​អង់គ្លេស (Subtitle)​នឹង​ត្រូវ​បញ្ចូល​​​ ក្នុង​​វីដេអូ​ឃ្លិប ​​​ដើម្បី​​ជួយ​សម្រួល​ដល់​ប្រិយមិត្ត​មិន​ចេះ​ខ្មែរ​អាច​យល់​កាន់​តែ​ទូលំទូលាយ។ ​ ​​​​​​​​​​​ចក្ខុវិស័យ​របស់​ Sabay ​​គឺ​ចង់​ពង្រីក​ខ្លួន​ឲ្យ​ក្លាយ​ជា​​ប្រភព​ជំរុញ​ចិត្ត​​ដ៏​ចម្បង​សម្រាប់​​​យុវវ័យ​កម្ពុជា​​ក្នុង​ការ​ស្វែង​រក​សុភមង្គល​ ​ហើយ​បេសកកម្ម​របស់​យើង​គឺ​ធ្វើ​ឲ្យ​រាល់​ទំនាក់ទំនង​ជាមួយ​ Sabay ​​​ជា​​បទពិសោធន៍​ដ៏​អស្ចារ្យ​​មិន​អាច​បំភ្លេច​បាន។ ​ឆ្លើយ​តប​​​ចក្ខុវិស័យ​របស់​ក្រុមហ៊ុន​ Sabay  ​​​កម្មវិធី​ជជែក​កម្សាន្ត ​"ម៉ាអេម" ​​ដែល​ចាក់​បញ្ចាំង​លើ​បុស្ដិ៍​ MyTV ឆាប់ៗ​ខាង​មុខ​នេះ ​ជា​ផ្នែក​មួយ​​នាំ​មក​នូវ​​​ស្នាម​ញញឹម​​​ដែល​​មិន​អាច​រក​​ពី​​កន្លែង​ផ្សេង​បាន។

http://youtu.be/nSkyAwSdlk0?list=PL1K6lw-gYqNh0W7PBYYwiAI386NDuB1mb

​​"សើច​ច្រើន​ចម្រើន​អាយុ....​រស់​​​នៅ​ដោយ​សុខកាយ​សប្បាយ​ចិត្ត​​ គេច​ផុត​ពី​ភាព​សៅហ្មង​​​​  ​ជា​ឫសគល់​ ​​ដុះដាល​សុភមង្គល។​​ ​ទាំង​នេះ​ជា​គោលដៅ​​ចម្បង​ដែល​យើង​ចង់​ឲ្យ​មនុស្ស​គ្រប់​គ្នា​ទទួល​បាន"។ ​​នេះ​ជា​ការ​លើក​ឡើង​របស់​លោក​ Cham Nou ​(Jimmy) ​​​អ្នក​ដឹកនាំ ​និង​ផលិត​កម្មវិធី​ "ម៉ាអេម"។ ​​លោក​បន្ត​ថា  កម្មវិធី​ដូច ​​ "ម៉ាអេម" ​ត្រូវ​​តែ​មាន​ ​ដើម្បី​​បន្ថែម​​ជូន​នូវ​រសជាតិ​នៃ​ការ​​ទស្សនា​កម្មវិធី​ទូរទស្សន៍ ប្រកប​ទៅ​​ដោយ​ភាព​សម្បូរ​បែបរបស់​ប្រិយមិត្ត​ទូរទស្សនិកជន។ ដូច្នេះ សូម​កុំ​ភ្លេច​ទស្សនា​ទាំង​អស់​គ្នា "ម៉ាអេម"...!!!

(តើ​បទពិសោធន៍​ទស្សនា​​លើ​​កញ្ចក់​ទូរទស្សន៍​របស់​​ទស្សនិកជន​រាល់​ថ្ងៃ​ដូចម្ដេច​ដែរ​ ​ហើយ​អ្នក​ចង់​បង្កើត​​អ្វី​ដែល​ប្លែក​ទៅ​ដោយ​របៀបណា?)