អាជ្ញាកណ្ដាល​បាល់ទាត់​​ផ្នែក​បុរស ខ្មែរ​​ល្បី​ៗ ចំនួន ៣ រូប​រួម​មាន លោក លឹម ប៊ុនធឿន, លោក ទុយ វិច្ឆិកា និង លោក ថោង ច័ន្ទកិត្យា និង ៦ នាក់​ផ្សេង​ទៀត​ត្រៀម​​ជាប់​ឈ្មោះ​​ក្នុង​បញ្ជី​អាជ្ញាកណ្ដាល​កម្រិត​អន្តរជាតិ​សម្រាប់​ឆ្នាំ ២០១៥ ដែល​ទទួល​ស្គាល់​ដោយ​សហព័ន្ធ​​កីឡា​បាល់ទាត់​អន្តរជាតិ (FIFA)។

លោក ទុយ វិច្ឆិកា ទទួល​ប្រាក់​រង្វាន់​តំណាង កាល​ពី​លីក​រដូវកាល ២០១៤

ដំណាល​គ្នា​​នេះ​ដែរ វេបសាយ​ផ្លូវការ​សម្រាប់​អាជ្ញាកណ្ដាល​បាល់ទាត់​អន្តរជាតិ The 3rd Team បាន​បញ្ចេញ​បញ្ជី​ឈ្មោះ​អាជ្ញាកណ្ដាល​តាម​​ប្រទេស​ទាំង​អស់​ ក្នុង​​ទ្វីប​នីមួយៗ ជា ៦ តំបន់​ផ្សេងៗគ្នា កាល​ពី​ថ្ងៃ​ សុក្រ ទី ១៩ ធ្នូ ថ្មីៗ នេះ។   សម្រាប់​អាជ្ញាកណ្ដាល FIFA របស់​កម្ពុជា​នៅ​ឆ្នាំ ២០១៤ ក៏​មាន​បេក្ខភាព​ចំនួន ៩ រូប​ ​​ដូច​ក្នុង​បញ្ជី​សម្រាប់​ឆ្នាំ ២០១៥ ដែរ​ដោយ​គ្រាន់​តែ​​ដំណែង​ជំនួយការ​អាជ្ញាកណ្ដាល លោក ជី សុភាព ជំនួស​លោក សរ ជួបវាសនា តែ​ប៉ុណ្ណោះ។