កូរ៉េខាងជើងដែលគេតែងរិះគន់ មានតារាស្រីស្អាតៗ កូរ៉េខាងត្បូងសូមខ្មាស

2014-12-21 18:12:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការមិនសូវបើកចំហប្រទេសរបស់កូរ៉េខាងជើង ធ្វើឲ្យពិភពលោកខាងក្រៅស្គាល់ប្រទេសនេះបានតិចតួច។ គេមិនសូវស្គាល់សិល្បៈ ជាពិសេសតារាសម្ដែងរបស់កូរ៉េខាងជើងប៉ុន្មានទេ។ អ្នកខ្លះធ្លាប់ទាំងចោទសំនួរថាតើកូរ៉េខាងជើងមានតារាស្រីស្អាតៗដូចកូរ៉េខាងត្បូងអត់។

បើយោងតាមការផ្សាយរបស់គេហទំព័រ China Daily កូរ៉េខាងជើងក៏មានតារាស្រីសម្រស់បាន មិនចាញ់តារាកូរ៉េខាងត្បូងប៉ុន្មានទេ ជាពិសេសតារាខាងក្រោមនេះតែម្ដង៖

តារាស្រីដែលល្បីថាស្អាត គឺនាង Cho Myung-ae បានបញ្ចប់បរិញ្ញាពីសាកលវិទ្យាល័យ Pyongyang University of Music and Dance និងក្លាយជាអ្នករបាំរបស់កូរ៉េខាងជើង។ នាងត្រូវបានអតីតមេដឹកនាំកូរ៉េខាងជើង លោក Kim Jung-il ផ្ដល់រហស្សនាមថា "បុប្ផានៃសាមគ្គីភាព" ផងដែរ។ សម្រស់ដ៏អស្ចារ្យរបស់នាងទាក់ទាញការចាប់អារម្មណ៍យ៉ាងខ្លាំងពីសាធារណជន។ នាងថែមទាំងបានទទួលការអនុញ្ញាតឲ្យសម្ដែងពាណិជ្ជកម្មឲ្យក្រុមហ៊ុនទូរសព្ទ Samsung សម្រាប់ម៉ូដែល Samsung Anycall ជាមួយតារាកូរ៉េខាងត្បូង នាង Lee Hyori។ Cho Myung-ae គឺជាតារាកូរ៉េខាងជើងដំបូងគេដែលលេចមុខក្នុងទូរទស្សន៍ឯកជនរបស់កូរ៉េខាងត្បូង។

ចំណែកនាង Jung Mi-hyan ក៏ត្រូវបានគេទទួលស្គាល់ថា មានសម្រស់ស្រស់ស្អាតប្រចាំប្រទេសកូរ៉េខាងជើងដែរ។ នាងស្ទើរតែកាន់កាប់ការសម្ដែងក្នុងកម្មវិធីសម្ពោធអ្វីផ្សេងៗទូទាំងប្រទេសកូរ៉េខាងជើងទៅហើយ។ នាងគឺជាប្រធានអ្នករាំគាំទ្រកីឡា និងភាគច្រើនបានធ្វើដំណើរជាមួយនឹងកីឡាករកីឡាការិនីជម្រើសជាតិ ទៅចូលរួមក្នុងព្រឹត្តិការណ៍ផ្សេងៗ។ តែទោះបីយ៉ាងណា សារព័ត៌មានស្ទើរតែទាំងអស់កម្របានទៅជួបសម្ភាសន៍ផ្ទាល់ជាមួយនឹងនាងណាស់។

ចំពោះនាង Kim Uk-hee វិញ គឺជាសមាជិកនៃក្រុមរបាំសិល្បៈយោធាប្រជាជនកូរ៉េខាងជើង និងមានឋានន្តរសក្ដិជាអនុសេនីយ៍ត្រីទៀតផង។ ក្នុងកែវភ្នែករបស់ប្រជាជនកូរ៉េខាងជើង នាងមានភាពសិចស៊ី និងប្រកបដោយស្ទិលម៉ូដ។

ដោយឡែក នាង Lee Jung-ran គឺជាតារាសម្ដែងដ៏ល្បីមួយរូបទៀតក្នុងប្រទេសកូរ៉េខាងជើង។ នាងបានសម្ដែងក្នុងរឿងល្ខោន ដែលបានណែនាំដោយអតីតប្រមុខដឹកនាំកូរ៉េជាងជើង លោក Kim Jung-il លើបទចម្រៀង បច្ចេកទេសសម្ដែង ការច្រៀង ឧបករណ៍ភ្លេង និងការរាំ។