ចុម! ក្បាលពោះតារាស្រី Taeyeon ល្បីពេញកូរ៉េខាងត្បូង

2014-12-21 18:43:27
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្មីៗកន្លងទៅនេះ នាង Taeyeon តារាចម្រៀងក្រុម Girl's Generation បានធ្វើឱ្យសាធារណជន ក្នុងប្រទេសកូរ៉េខាតត្បូងចាប់អារម្មណ៍យ៉ាងខ្លាំង ក្រោយនាងចែករំលែករូបក្បាលពោះមួយសន្លឹកលើ Instagram។

ចំណុចដែលធ្វើឱ្យគេចាប់អារម្មណ៍នោះ ដោយសារតារាវ័យ២៥ឆ្នាំ ប្រើសំបកផ្លែឈើធ្វើមុខមនុស្ស លើក្បាលពោះដ៏សិចស៊ីរបស់នាង។

ក្រោយបង្ហោះរូបនេះហើយ អ្នកគាំទ្រប្រុសជាច្រើនបានសួរ Taeyeon ថា តើនេះជាអ្វី? ឆ្លើយតបនឹងសំនួរនេះ តារាស្រីរូបស្រស់កើតនៅទីក្រុង Jeonju បញ្ជាក់ថា៖ "ខ្ញុំគិតថាខ្ញុំឡើងទម្ងន់។ ខ្ញុំចង់ញ៉ាំក្រូចឃ្វិចច្រើនពេក"។

អ្នកគាំទ្រមួយចំនួនបញ្ចេញមតិថា ពោះរបស់ Taeyeo ពិតជាស្អាតណាស់ ខណៈអ្នកខ្លះទៀតរិះគន់ថា វាជារឿងចម្លែក ពេលនរណាម្នាក់ បង្ហោះរូបបែបនេះលើ Instagram។ ចំណែកអ្នកផ្សេងទៀតថា តើនាងឡើងទម្ងន់ដោយរបៀបណា?

Taeyeon ជាតារាចម្រៀងម្នាក់ ដែលមាន Follower ច្រើនលើបណ្ដាញ Instagram ពោលគឺ ៣លាននាក់។ ក្នុងឆ្នាំ២០១៤នេះ នាងហាក់មានសកម្មភាពប្លែកៗច្រើន លើបណ្ដាញខាងលើ ដូចជា Unfollow មនុស្សច្រើននាក់រួមទាំងមិត្តប្រុសរបស់នាងឈ្មោះ Baekhyun និមិត្តរូបក្រុម EXO ចោលផងដែរ។

ក្នុងឆ្នាំនេះ ក្រុម Girls' Generation របស់ Taeyeon បានជាប់ជាក្រុមដែលមានប្រជាប្រិយភាពលំដាប់លេខ២ លើតារាង Gallup Korea នៅកូរ៉េខាងត្បូង បន្ទាប់ពីតារាចម្រៀងស្រី IU ហើយនៅថ្ងៃទី ៤ ខែមករា ឆ្នាំ២០១៥ ក្រុមនេះនឹងធ្វើការប្រគុំតន្ត្រីនៅចិន ដើម្បីអបអរខួបលើកទី៧របស់ពួកគេ៕