Miley Cyrus ត្រូវម្ដាយមិត្តប្រុស ចាត់ទុកជាក្មេងព្រៃ

2014-12-25 17:28:11
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកស្រី Maria Shriver ម្ដាយលោក Patrick Schwarzenegger បានចាត់ទុកតារាសំបូររឿងអាស្រូវ Miley Cyrus ជាមនុស្សព្រៃ។ នេះបើយោងតាមចំណងជើងសរសេរធំៗរបស់គេហទំព័រ Dailymail ម្សិលមិញ។

ស្ត្រីវ័យ៥៩ឆ្នាំរូបនេះត្រូវបានគេរាយការណ៍ថា មិនពេញចិត្តឱ្យកូនប្រុសរបស់ខ្លួនទាក់ទងជាមួយតារាស្រីរូបនេះឡើយ ព្រោះអ្នកស្រីព្រួយបារម្ភថា អាកប្បកិរិយាតារារូបនេះអាចជះឥទ្ធិពលអាក្រក់មកលើកូនអ្នកស្រី។

ប្រភពបានឱ្យដឹងថា មានការប៉ះទង្គិចគ្នាបន្តិចបន្តួចរវាងអ្នកស្រី Maria និងគូស្នេហ៍វ័យក្មេងមួយគូនេះ។ អ្នកស្រីបានប្រាប់ Patrick ថា ពេលណាកាន់តែឮរឿងរបស់ Miley អ្នកស្រីកាន់តែព្រួយបារម្ភ។ នេះបើតាមការឱ្យដឹងពីប្រភពផ្ទៃក្នុងមួយ។

របាយការណ៍ផ្សេងៗទៀតបង្ហាញដែរថា អ្នកស្រី Maria បានហាម Miley មិនឱ្យចូលរួមកម្មវិធីបុណ្យណូអែលប្រចាំឆ្នាំ របស់អតីតប្រធានាធិបតីអាមេរិក John F. Kennedy ទៀតផង ព្រោះអ្នកស្រី ដែលត្រូវជាបងប្អូនជីដូនមួយរបស់អតីតប្រធានាធិបតីរូបនោះ មិនចង់ឱ្យនាងទៅទីនោះ និងមិនចង់ឱ្យមានរឿងរង្គោះរង្គើកើតឡើងឡើយ។

ទោះបីជាយ៉ាងណា តារាសម្ដែង តារាចម្រៀង និងជាសហគ្រិនវ័យ២១ឆ្នាំ Patrick បានទទូចសុំឱ្យ Miley ចូលរួមដែរ បើមិនដូច្នេះទេ គេនឹងមិនត្រឡប់ទៅផ្ទះវិញឡើយ។ មកដល់ពេលនេះ Patrick និង Miley Cyrus បានទាក់ទងគ្នាបានបីខែហើយ៕