គ្រឿងសម្អាង៥ប្រភេទគួរតែមានក្នុងកាបូបមនុស្សស្រី

2014-12-26 16:58:02
ចំនួនមតិ 0 | ចំនួនចែករំលែក 0

ចន្លោះមិនឃើញ

សុភាពនារីគ្រប់រូប ពេលចេញក្រៅម្ដងៗមិនដែលភ្លេចរបស់សំខាន់ៗមួយចំនួនដាក់ក្នុងកាបូបទេ ដែលក្នុងនោះក៏មានគ្រឿងសម្អាងផងដែរ។ ចង់ដឹងគ្រឿងសម្អាង៥ប្រភេទណាខ្លះ ដែលគួរតែមានក្នុងកាបូបមនុស្សស្រីជានិច្ច សូមមើលដូចខាងក្រោម៖

១. ប៊ីប៊ីក្រែម

មានប៊ីប៊ីក្រែមតែមួយមុខស្មើនឹងមានម្សៅផាត់ និងម្សៅទ្រនាប់ ហើយវាមានផ្ទុកជាតិសំណើមដល់ស្បែកមុខ និងអាចលុបស្នាមអុចខ្មៅ។ នេះជាផលិតផលតុបតែងមុខដ៏សំខាន់ក្នុងការរក្សាទុកនៅក្នុងកាបូបជានិច្ច។

២. ម្សៅផាត់

ក្នុងកាបូបមនុស្សស្រីចាំបាច់បំផុតត្រូវតែមានម្សៅប្រភេទនេះ។ ចូររក្សាវាទុកក្នុងកាបូបដៃជានិច្ច ព្រោះវាងាយស្រួលដើម្បីបន្ថែមពន្លឺដល់ផ្ទៃមុខគ្រប់ពេល។

៣. ក្រេបលាបបបូរមាត់

ក្រែម ជាគ្រឿងសម្អាងល្អបំផុតសម្រាប់លាក់បាំងនូវបញ្ហាមួយចំនួនលើបបូរមាត់របស់សុភាពនារី ដូចជាបបូរមាត់ខ្មៅ និងប្រេះ ស្ងួតជាដើមហើយមានភាពងាយស្រួលដាក់តាមខ្លួន។

៤. ប្រដាប់ពត់រោមភ្នែក

ធុញទ្រាន់នឹងការដាក់ម៉ាស្ការ៉ានៅក្នុងកាបូបឬ? មិនពិបាកទៀតទេឥឡូវអ្នកដាក់ប្រដាប់ពត់រោមភ្នែក ក្នុងកាបូបជំនួសឲ្យការប្រើម៉ាស្ការ៉ាហើយអត្ថប្រយោជន៍របស់វា គឺអាចធ្វើឲ្យរោមភ្នែកវែងដូចធម្មជាតិ។

៥. ទឹកអប់

នរណាៗក៏ដូចគ្នាដែរតែងតែចង់បានក្លិនប្រហើរពេលចូលរួមកម្មវិធី ឬពេលនៅជិតដៃគូ។ ទឹកអប់ជាផលិតផលគ្រឿងសម្អាងមួយប្រភេទដ៏មានសារសំខាន់ក្នុងការរក្សាវាទុកក្នុងកាបូបដោយមិនអាចខ្វះបាន។

ចុចអាន៖ ចូលខែរងា បបូរមាត់ប្រេះ អាចដោះស្រាយបានដោយងាយៗ ៥ យ៉ាងនេះ

ចុចអានអត្ថបទសុខភាព និងសម្រស់ជាច្រើនទៀត

ប្រែសម្រួល៖ទ្រី រ៉ាវី ប្រភព៖ boldsky