ជើងហោះហើរ QZ8501៖ រកឃើញសពជនរងគ្រោះ៤០នាក់ហើយ
- 2014-12-30 23:19:18
- ចំនួនមតិ 0 | ចំនួនចែករំលែក 0
ជើងហោះហើរ QZ8501៖ រកឃើញសពជនរងគ្រោះ៤០នាក់ហើយ
ចន្លោះមិនឃើញ
៤:៤០៖ គិតមកដល់ត្រឹមពេលនេះ សាកសពមនុស្ស ៤០នាក់ហើយ ដែលត្រូវគេរកឃើញ។ នេះបើតាមការបញ្ជាក់របស់ក្រុមនាវិកឥណ្ឌូណេស៊ី ដែលកំពុងដុតដៃដុតជើងស្វែងរកសពជនរងគ្រោះបន្ថែម។ មុននេះ ពុំមានការអះអាងច្បាស់ថា តើយន្តហោះនោះពិតជាត្រូវជួបគ្រោះថ្នាក់មែន ឬយ៉ាងណានោះទេ ប៉ុន្តែសាកសពមានការកើនឡើងជាលំដាប់ ដែលធ្វើឲ្យគេអាចសន្និដ្ឋានកាន់តែច្បាស់ថា ជាសពនៃជនរងគ្រោះលើជើងហោះហើរ QZ8501។
រូបភាពបង្ហាញពីនាវា និងកប៉ាល់ជួយសង្គ្រោះ នៅតំបន់រុករក
៤:១៥៖ ទីបំផុត ការទន្ទឹងរង់ចាំរយៈពេលជិត ៣ថ្ងៃរបស់គ្រួសារជនរងគ្រោះ កាន់តែបង្កនូវភាពរន្ធត់ភ័យខ្លាច ខណៈសាកសពមនុស្ស ៦នាក់ ត្រូវគេប្រទះឃើញ ដោយសង្ស័យថាជាសពអ្នកដំណើរលើជើងហោះហើរ QZ8501 ។
៤:០០៖ សារព័ត៌មាន BBC បានចុះផ្សាយ ដោយដកស្រង់ប្រភពពីមន្ត្រីឥណ្ឌូណេស៊ីថា សាកសពមនុស្ស ៦នាក់ហើយ ដែលត្រូវគេរកឃើញ ក្នុងនោះ ៣នាក់ត្រូវគេស្រង់បាន ក្នុងប្រតិបត្តិការរុករកយន្តហោះរបស់ក្រុមហ៊ុន AirAsia ជើងហោះហើរ QZ8501។ ទោះមិនទាន់ច្បាស់ថានេះ ជាសពនៃអ្នកដំណើរលើយន្តហោះនោះក៏ពិតមែន ប៉ុន្តែមន្ត្រីឥណ្ឌូណេស៊ី បានបញ្ជាក់ថាស្ទើរតែ ១០០ភាគរយហើយ ដែលគេសន្និដ្ឋានថានោះជាសពអ្នកដំណើរលើ QZ8501។
គ្រួសារជនរងគ្រោះទ្រហោរយំ ក្រោយលឺព័ត៌មានដ៏រន្ធត់នៃការរកឃើញសព
២:០០៖ កាលពីមុននេះបន្តិច មន្ត្រីឥណ្ឌូណេស៊ីបានបញ្ជាក់ថា ឃើញបំបែកយន្តហោះមួយចំនួន ដែលក្នុងរួមមានទ្វារ និងបំណែកផ្សេងៗទៀត ហើយគេសន្និដ្ឋាន ៩៥ភាគរយ ថាជាបំណែករបស់ ជើងហោះហើរ QZ8501។ ពេលនេះ ពួកគេកំពុងរៀបចំថង់ច្រកសាកសព ដើម្បីទទួលជនរងគ្រោះ ប្រសិនបើមានហេតុការណ៍អាក្រក់កើតឡើងចំពោះពួកគេមែន។
មន្ត្រីឥណ្ឌូណេស៊ី រៀបចំសម្ភារៈទៅទទួលសាកសពជនរងគ្រោះ
ជើងហោះហើរ QZ8501 របស់ក្រុមហ៊ុន AirAsia ដែលដឹកមនុស្សទាំងអស់ ១៦២នាក់ បានបាត់ពីរ៉ាដាពេលកំពុងធ្វើដំណើរចេញពីប្រទេសឥណ្ឌូណេស៊ី ឆ្ពោះទៅសិង្ហបុរី កាលពីព្រឹកថ្ងៃអាទិត្យ។ រហូតមកដល់ពេលនេះ ការរុករកនៅតែបន្តធ្វើរហូត ខណៈប្រភពមួយចំនួនដាក់ការសង្ស័យថា យន្តហោះនេះអាចលិចបាត់ទៅក្រោមបាតសមុទ្រ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
