មើលហើយតិចសើច! កំពូលអ្នកថតរូបចម្រុះក្បាច់គ្មានអ្នកដូច

2015-01-04 16:15:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនបើគ្រាន់តែថតរូបកម្សាន្ត ហាក់ដូចជាគ្មានអ្វីពិបាកទេ ប៉ុន្តែបើថតរូបជាលក្ខណៈអាជីពវិញ ត្រូវផ្ចិតផ្ចង់យ៉ាងខ្លាំង ទម្រាំបានរូបដែលល្អពិតៗអាចទទួលយកបាន។ អ្នកថតរូបអាពាហ៍ពិពាហ៍ម្នាក់នៅប្រទេសវៀតណាម កំពុងល្បីល្បាញយ៉ាងខ្លាំងក្នុងបណ្ដាញសង្គម ដោយសារក្បាច់ក្បូរថតរូបប្លែកៗគួរឲ្យចង់សើច។

គេហទំព័រសារព័ត៌មាន Soha របស់វៀតណាម បានចុះផ្សាយថា អ្នកថតរូបចម្រុះក្បាច់នេះ ឈ្មោះ Nguyen Dinh An ហើយទើបមានវ័យ ២២ឆ្នាំប៉ុណ្ណោះ។ លោក Dinh An បាននិយាយថា ស្រលាញ់អាជីពថតរូបតាំងពីរៀនថ្នាក់ទី២ មកម្ល៉េះ។ ចំពោះកាយវិការក្រឡាប់ខ្លួនចុះឡើងពេលថតរូប លោកបញ្ជាក់ថាដើម្បីចាប់ប្លង់បានល្អតាមចិត្តនឹកឃើញ និងធ្វើឲ្យរូបថតមានលក្ខណៈរស់រវើកតាមបែបធម្មជាតិ។

បន្ថែមលើសពីនេះ អ្នកថតរូបវ័យក្មេង បានបញ្ជាក់ទៀតថា លោកចង់ថតរូបឲ្យបានល្អជូនអតិថិជន ដូច្នេះហើយទើបព្យាយាមធ្វើកាយវិការប្លែកៗ ដើម្បីឲ្យពួកគេញញឹម និងមានអារម្មណ៍ស្រស់ស្រាយនៅមុខម៉ាស៊ីនថត។ ដោយសារក្បូរក្បាច់ថតរូបប្លែកគេ ធ្វើឲ្យលោក Dinh An អាចរកចំណូលបានច្រើនគួរសម ក្នុងរង្វង់ប្រាក់ខែពី ៤៧០ដុល្លារ ទៅ ៧០០ដុល្លារ៕

សូមទស្សនាវីដេអូ កាយវិការថតរូបរបស់ Nguyen Dinh An៖

http://youtu.be/Lf2UvOSd6eY

ខាងក្រោមនេះ គឺជារូបមួយចំនួនដែលថតបានដោយ Nguyen Dinh An៖