ចម្លែកមែន! មនុស្សស្រីអត់ខោអាវ ទៅជាប់ក្នុងបំពង់ផ្សែង

2015-01-06 17:53:46
ចំនួនមតិ 0 | ចំនួនចែករំលែក 0

ចន្លោះមិនឃើញ

មន្ត្រីពន្លត់អគ្គីភ័យ បានព្យាយាមជួយសង្គ្រោះស្ត្រីម្នាក់ពីក្នុងបំពង់ផ្សែង បន្ទាប់ពីជាប់គាំងនៅទីនោះពេលលួចចូលទៅក្នុងផ្ទះអតីតមិត្តប្រុសឈ្មោះ Tony Hernandez។ រឿងរ៉ាវដ៏ហួសចិត្តនេះ បានកើតឡើងនៅរដ្ឋ California សហរដ្ឋអាមេរិក កាលពីថ្ងៃសៅរ៍កន្លងទៅ។

ស្ត្រីដែលជាប់នៅក្នុងបំពង់ផ្សែងនេះ បានព្យាយាមចុចកណ្ដឹង និងគោះទ្វារផ្ទះអតីតមិត្តប្រុសនៅពេលយប់ ប៉ុន្តែមិនអាចដាស់គេឲ្យភ្ញាក់បាន។ ក្រោយមក នាងបានសម្រេចចិត្តដោះសំលៀកបំពាក់ចេញ ដើម្បីឲ្យល្មមខ្លួនលូនចូលផ្ទះតាមបំពង់ផ្សែង ដែលមានទំហំត្រឹមជាង ៣តឹកប៉ុណ្ណោះ។

លោក Hernandez បាននិយាយថា លោកមានការភ្ញាក់ផ្អើលយ៉ាងខ្លាំង នៅពេលមានមនុស្សស្រីម្នាក់ហៅលោក ពេលភ្ញាក់ឡើងទៅធ្វើការនៅម៉ោង៤:៣០ ទៀបភ្លឺ ហើយក្រោយមកទើបដឹងថានាងជាអតីតគូស្នេហ៍ចាស់។ លោកបានប្រាប់ទូរទស្សន៍ CBS នៅរដ្ឋLos Angeles ថាលោកមិនចង់ឃើញនាងនៅផ្ទះនេះទេ ហើយក៏មិនអនុញ្ញាតឲ្យនាងមកជួបកូនដែរ ព្រោះជារឿងមិនល្អសម្រាប់កូនៗ។

ក្រុមអ្នកជួយសង្គ្រោះជាង ២០នាក់ បានបញ្ចេញប្រតិបត្តិការ ២ម៉ោង ទើបអាចជួយនាងចេញពីបំពង់ផ្សែងដ៏តូចនោះបាន។ បន្ទាប់មកនាងត្រូវបានគេបញ្ជូនទៅកាន់មន្ទីរពេទ្យ ដោយមានការរងរបួសយ៉ាងដំណំ។

ស្ត្រីវ័យ ៣៥ឆ្នាំ ដែលគេមិនបង្ហាញឈ្មោះនេះ ធ្លាប់រស់នៅជាមួយលោក Hernandez ថែមទាំងមានកូន ៣នាក់ជាមួយគ្នាទៀតផង។ បច្ចុប្បន្នកូនទាំង ៣នាក់នោះ កំពុងរស់នៅជាមួយលោក Hernandez បែកពីម្ដាយ។ យ៉ាងណាក្ដី ប្រភពមិនបានបញ្ជាក់ថា ហេតុអ្វីពួកគេទាំងពីរបែកបាក់គ្នានោះទេ៕