ឮថា iPad Air 2 ប្រុងចេញពណ៌មាសមិនឲ្យចាញ់ iPhone 6

2014-10-01 22:48:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់តាំងពី Apple ចាប់ផ្ដើមផលិត iPhone 5 មកទល់ជំនាន់ iPhone 6 ឃើញសុទ្ធតែមានពណ៌មាស ខុសប្លែកអីតែ iPad មិនទាន់មានឃើញពណ៌នេះនៅឡើយ។ ប៉ុន្តែលើកនេះ Apple អាចនឹងផ្លាស់ប្ដូរប្រវត្តិសាស្ត្រដោយបង្កើត iPad Air 2 ពណ៌មាសដែលអាចលេចវត្តមាននៅក្នុងខែតុលានេះឯង។ នេះបើយោងតាមប្រភពទទួលបានពី Bloomberg។

iPad Air ជំនាន់ទី២ពណ៌មាសនេះនឹងអាចចេញស្របជាមួយពណ៌ប្រផេះ និងទឹកប្រាក់តែម្ដង។ នេះបានន័យថាសែស្រឡាយរបស់ iPad Air 2 នឹងមានពណ៌ដូចទៅនឹងពពួក iPhone 6 ជំនាន់ចុងក្រោយដែលទើបតែចេញលក់ជាផ្លូវការកាលពីខែមុន។ Tablet ស៊េរីក្រោយនេះនឹងបំពាក់មុខងារ Touch ID និងដំណើរការដោយChipset ជំនាន់ A8។ បន្ថែមពីនេះវានឹងដំឡើង Ram ទំហំ 2GB ព្រមជាមួយអេក្រង់ ៩,៧ អ៊ីញ (2048 x 1536 pixels)។

ចំណុចលេចធ្លោរបស់iPad Air 2 នេះមួយទៀតគឺកម្រាស់ស្ដើងជាងមុនដែលមើលទៅទាក់ទាញបំផុត។

និយាយឱ្យចំ Apple រៀបចំការប្រកាស Tablet របស់ខ្លួនមួយឆ្នាំម្ដងដោយគិតចាប់ពីឆ្នាំ ២០១៣មកទើប iPad Air បង្ហាញរូបរាងឡើងនៅលើទីផ្សារ។