ពីពេលនេះទៅ មនុស្សសំខាន់ៗបង្ហោះអ្វីលើ Facebook ក៏អ្នកដឹងទាំងអស់

2015-01-14 02:00:22
ចំនួនមតិ 0 | ចំនួនចែករំលែក 0

ចន្លោះមិនឃើញ

លេងហ្វេសប៊ុកយូរៗ Friends ចេះតែកើន ដែលអ្នកខ្លះមានរហូតដល់រាប់ពាន់។ ពេលបើកមើលម្ដងៗ ត្រូវចំណាយពេលរាប់ម៉ោងក៏មើលមិនអស់នូវអ្វីដែលគេបានបង្ហោះដែរ។ ជួនកាលអ្នកអាចខកខានមិនបានមើលពីការ Update សំខាន់ៗរបស់ Friends , Page ឬ Following ថែមទៀតផង។

ដូច្នេះអ្នកគួរតែបង្កើត Friend List ដើម្បីតាមដានរាល់ការ Update ទាំងនោះ។ មិនត្រឹមតែឲ្យអ្នកបានតាមដានរាល់ការ Update ប៉ុណ្ណោះទេ ប៉ុន្តែក៏អាចធ្វើការកំណត់ទៅលើប្រភេទនៃ Notification (ការឲ្យដឹង) ដែលអ្នកចង់ឃើញ បានថែមទៀតផង។ ដើម្បីបង្កើត List សូមអនុវត្តតាមវិធីខាងក្រោម៖

១. ចូលទៅកាន់ Facebook Home Page ហើយនៅផ្នែកខាងឆ្វេងនៃទំព័រនោះ ស្វែងរកពាក្យ INTERESTS រួចចុចលើវា។

២. ចុចលើប៊ូតុង +Create List

៣. បន្ទាប់មកវានឹងបង្ហាញផ្ទាំងមួយដែលអាចឲ្យអ្នកធ្វើការជ្រើសរើសយកប្រភេទ Pages, Following ឬ Friends ហើយធ្វើការចុចធីក ជ្រើសរើសណាមួយដើម្បីដាក់ចូលទៅក្នុង List ហើយចុចប៊ូតុង Next។

៤. ដាក់ឈ្មោះឲ្យ List ដែលអ្នកចង់បាននៅក្នុងប្រអប់ List Name និងជ្រើសយកប្រភេទ Who can see list (Public, Friends, ឬ Only Me) ដែលស្ថិតនៅផ្នែកខាងក្រោម ហើយចុចយកប៊ូតុង Done។

៥. ក្រោយមកវានឹងបង្ហាញផ្ទាំង List ដែលអ្នកបានបង្កើត។ ដូចរូបភាពខាងក្រោមគឺជា List មួយដែលមានឈ្មោះថា News។

ដើម្បីគ្រប់គ្រងនៅលើ List អ្នកអាចចុចលើប៊ូតុង Manage List ដូច្នេះអ្នកអាចធ្វើការគ្រប់គ្រងតាមជម្រើសមួយចំនួនដូចជា ប្ដូរឈ្មោះ List (Rename List), កែប្រែ List (Edit List), ជ្រើសរើសប្រភេទនៃការ Update ដែលចង់បង្ហាញក្នុង List (Choose Update Type), Notification Setting និង លុប List (Delete List)។

៦. បន្ទាប់ពីបានបង្កើតរួច អ្នកនឹងឃើញ List របស់អ្នកដែលស្ថិតនៅផ្នែកខាងក្រោមនៃ INTERESTS ដែលមានទីតាំងនៅខាងឆ្វេងនៃ Facebook Home Page។ ដើម្បីចង់មើលពីការ Update នៅក្នុងList គឺគ្រាន់តែចុចលើឈ្មោះ List ជាការស្រេច។