CR7 ជាអ្នកឈ្នះ តែបើមើលលើសំឡេងគាំទ្រយ៉ាងណាដែរ?

2015-01-13 15:50:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តបានដឹងហើយថា Cristiano Ronaldo ជាអ្នកឈ្នះពានរង្វាន់កីឡាករល្អបំផុតក្នុងលោកប្រចាំឆ្នាំ២០១៤ ឬ FIFA Ballon d'Or ក្រោយទទួលបានសំឡេងឆ្នោតច្រើនជាងគេក្នុងចំណោមបេក្ខភាពទាំងអស់។ តើសំឡេងឆ្នោតគាំទ្រនោះមានប៉ុន្មានដែរ? ចំណែក Lionel Messi, Manuel Neuer និងបេក្ខភាព២០រូបផ្សេងទៀតវិញ បានប៉ុន្មានដែរ?

ចង់ដឹងច្បាស់សូមមើលតារាងខាងក្រោមនេះ៖

ប្រភពរូបភាព៖ dailymail

យោងតាមតារាងលទ្ធផលដែលចេញដោយ FIFA នេះ បានឲ្យដឹងថា Ronaldo ទទួលបានសំឡេងគាំទ្រ៤៤០ ដែលក្នុងនោះមាន៣៣០នាក់ជ្រើសគេក្នុងជម្រើសទីមួយ ៩៦នាក់ជ្រើសគេក្នុងជម្រើសទីពីរ និង៤១នាក់ជ្រើសគេក្នុងជម្រើសទីបី។ បើគិតលើពិន្ទុសរុប កីឡាករព័រទុយហ្គាល់រូបនេះ ទទួលបាន១៨៤៤ពិន្ទុ ស្មើនឹង៣៧,៧ភាគរយ។

ចំណែក Messi វិញទទួលបានសំឡេងគាំទ្រ២៨៨ ប៉ុន្តែភាគច្រើនជ្រើសគេក្នុងជម្រើសទី២ ដូច្នេះពិន្ទុសរុបរបស់កីឡាករអាហ្សង់ទីនរូបនេះ បានតែ៧៧២ ឬស្មើនឹង១៥,៨ភាគរយ ខណៈ Neuer ឈរលេខ៣ក្នុងសំឡេងប្រហាក់ប្រហែលគ្នា គឺ ៧៦៩ពិន្ទុ ឬ១៥,៧ភាគរយ។

លទ្ធផលខាងលើគឺកើតឡើងដោយការបោះឆ្នោតរបស់ប្រធានក្រុមជម្រើសជាតិ គ្រូបង្វឹកក្រុមជម្រើសជាតិនៃប្រទេសជាសមាជិករបស់ FIFA ដែលរួមមានទាំងគ្រូបង្វឹក និងប្រធានក្រុមជម្រើសជាតិកម្ពុជាផងដែរ។ បន្ថែមលើនេះ អ្នកសារព័ត៌មានក៏មានសំឡេងក្នុងការបោះឆ្នោតនេះដែរ ប៉ុន្តែជាអ្នកសារព័ត៌មានដែលត្រូវបានជ្រើសរើសដោយទស្សនាវដ្ដីបារាំង France Football។

សម្រាប់អ្នកមិនបានទស្សនាកម្មវិធីប្រកាសលទ្ធផលយប់មិញទេ សូមចុចត្រង់នេះដើម្បីមើលវីដេអូទាំងស្រុងឡើងវិញ។

ចុចអាន៖ Ronaldo ឈ្នះពានកីឡាករល្អបំផុត Ballon d’Or យប់មិញ

ដោយ៖ សុខ សុវត្ថិ