James Rodriguez ញញឹមបិទមាត់មិនជិត ពេលទទួលពាន

2015-01-13 17:02:32
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករ James Rodriguez រំភើបចិត្តខ្លាំងណាស់បន្ទាប់ពីឈ្នះពានរង្វាន់គ្រាប់បាល់ល្អជាងគេក្នុងឆ្នាំ២០១៤ Puskas Award កាលពីយប់មិញ ដោយមានហេតុផលថាជាពានរង្វាន់ដែលបោះឆ្នោតដោយសាធារណជន។

បន្ទាប់ពីដឹងថាឈ្នះពាន Puskás Award ខ្សែបម្រើប្រយុទ្ធ James Rodriguez បាននិយាយថា៖ “ខ្ញុំពិតជាសប្បាយរីករាយខ្លាំងណាស់ដែលបានឈ្នះពានមួយនេះ ព្រោះវាជាពានដែលចេញពីការបោះឆ្នោតដោយសាធារណៈ”។ ខណៈដែលគូប្រជែងរបស់គេ កីឡាការិនី Stephanie Roche ក៏បាននិយាយដែរថា៖ “ខ្ញុំពិតជាសប្បាយរីករាយណាស់ដែលបានទទួលសំឡេងគាំទ្រ ១,១លាននាក់។ សូមចូលរួមត្រេកអរផងដែរចំពោះ James ដែលបានឈ្នះពានរង្វាន់មួយនេះ។ នេះជាបទពិសោធន៍មួយល្អខ្លាំងណាស់សម្រាប់ជីវិតរបស់ខ្ញុំ។ សូមអរគុណខ្លាំងណាស់ចំពោះអ្នកគាំទ្រទាំងអស់”។

កីឡាការិនី Stephanie Roche

Puskas Award ជាពានរង្វាន់គ្រាប់បាល់ល្អជាងគេប្រចាំឆ្នាំដែលត្រូវបោះឆ្នោតជ្រើសរើសដោយអ្នកគាំទ្រ។ លទ្ធផលឆ្នាំនេះ គឺ James Rodriguez ទទួលបានសំឡេងគាំទ្រច្រើនជាងគេគឺ៤២% , Stephanie Roche បាន៣៣% និង Robin van Persie បាន១១% ៕

ចុចអាន៖CR7 ជាអ្នកឈ្នះ តែបើមើលលើសំឡេងគាំទ្រយ៉ាងណាដែរ?

ប្រែសម្រួល៖ មុន្នី រម្យ ប្រភព៖ FIFA