ត្រួសៗពីបច្ចេកទេសកាត់តរឿងហូលីវូដដ៏ល្បី Dawn of the Planet of the Apes

2015-01-14 16:49:20
ចំនួនមតិ 0 | ចំនួនចែករំលែក 0

ចន្លោះមិនឃើញ

"Dawn of the Planet of the Apes" ជាភាពយន្តហូលីវូដដ៏ល្បីនាចុងឆ្នាំ២០១៤ ដែលបង្ហាញពីការប្រយុទ្ធគ្នារវាងហ្វូងស្វានិងមនុស្ស។ បើនិយាយឈុតបាញ់ប្រហារស៊ីសាច់ហុតឈាមរវាងមនុស្សនិងស្វាក្នុងសាច់រឿងមួយនេះ គឺត្រូវបានកាត់តបន្ថែម Visual Effect ស្ទើរតែមួយរយភាគរយទៅហើយ ដើម្បីឲ្យរូបភាពមើលទៅដូចពិតៗ។

ខាងក្រោមជាឈុតបាញ់ប្រហារក្នុងទីក្រុងចំណាស់មួយនៃរឿង Dawn of the Planet of the Apes ដែលពន្យល់ត្រួសៗដោយអ្នកគ្រប់គ្រងផ្នែកកាត់តបន្ថែម Visual Effect លោក Dan Lemmon៖

១.រូបខាងក្រោមដែលមានអគារចំណាស់ៗនេះស្ថិតនៅលើផ្លូវ Rampart Street នៃទីក្រុងNew Orleans។ លោក Dan Lemmon បានយកប្លង់អគារមួយចំនួនដែលត្រូវបានបោះបង់ចោលក្នុងតំបន់ខាងលើមកកាត់តបន្ថែម Visual Effect ដើម្បីទុកជាប្លង់សមរភូមិ។

២. តួអង្គទាហានស្វាដោយឡែកៗគ្នាត្រូវបានកាត់តចូលក្នុងប្លង់មួយនេះ រីឯរូបរថពាសដែកក៏ត្រូវរចនាបន្ថែមមួយជាន់ទៀតដោយប្រើបច្ចេកទេសមួយឲ្យឈ្មោះថា Match Moving ដើម្បីឲ្យរូបទាំងនោះ (ទាហានស្វានិងរថក្រោះ) មើលទៅស្ថិតក្នុងពិភពតែមួយ។

៣. Visual Effect មួយជាន់នេះស្ថិតក្នុងដំណើរការមួយហៅថា Lidar Scanning ដែលដំណើរការដូចប្រព័ន្ធរ៉ាដាដែរ។ ដំណើរការមួយនេះធ្វើឡើងដើម្បីបង្កើតប្លង់ធរណីមាត្រ។

៤. ប្លង់ Visual Effect ចុងក្រោយគឺការបន្ថែមផ្សែងនិងភ្លើងសិប្បនិមិត្តដែលផ្ទុះចេញពីធុងសាំងនៅក្នុងសមរភូមិនិងកាំភ្លើងយន្តរបស់រថពាសដែក។ ចំណែកឯពន្លឺភ្លឺព្រាលៗនៅក្នុងតំបន់សមរភូមិនេះ ក៏ត្រូវបន្ថែម Visual Effect ដែរ ដើម្បីឲ្យមើលទៅដូចជាពន្លឺដែលកើតចេញពីអណ្ដាតភ្លើងផ្ទុះឆេះពីធុងសាំងអញ្ចឹង៕