ប៉ូលិសក្រុង Dover ចាក់ក្បាច់តាមបទ "Shake if off” ល្បីពេញអ៊ីនធឺណិត

2015-01-19 17:26:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ូលិសក្នុងទីក្រុង Dover រដ្ឋ Delaware សហរដ្ឋអាមេរិកបានល្បីពេញអ៊ីនធឺណិតក្រោយឃ្លិបវីដេអូកាមេរ៉ាក្នុងរថយន្តប៉ូលិសដែលចាប់សកម្មភាពរបស់គាត់ច្រៀង និងធ្វើកាយវិការតាមបទ "Shake if off” របស់តារាចម្រៀង Taylor Swift ត្រូវបានស្ថាប័នប៉ូលិសក្នុងទីក្រុងខាងលើបង្ហោះនៅលើអ៊ីនធឺណិត។

ប៉ូលិសខាងលើមានឈ្មោះថា Jeff Davis បានបម្រើការងារក្នុងស្ថាប័នប៉ូលិសក្រុង Dover អស់រយៈពេល ១៩ ឆ្នាំមកហើយ។ ពេលសារព័ត៌មាន Fox News សួរពាក់ព័ន្ធនឹងសកម្មភាពកំប្លុកកំប្លែងនេះ លោក Jeff និយាយថា តាមពិតទៅលោកដឹងថា កាមេរ៉ារថយន្តប៉ូលិសបើកដែរ តែលោកចង់ធ្វើបែបនេះដើម្បីឲ្យប៉ូលិសទូទាំងពិភពលោកបានឃើញ និងមានអារម្មណ៍រីករាយព្រោះការងារជាប៉ូលិសមួយថ្ងៃៗគឺស្មុគស្មាញណាស់ទៅហើយ អីចឹងម៉េចមិនយកពេលវេលាខ្លះមកលំហែ។

នាយប៉ូលិសដដែលបន្តថា មិនមែនមានតែបទ "Shake if off” របស់ Taylor Swift តែមួយនេះទេដែលលោកចេះ នៅមានបទជាច្រើនទៀតដែលលោកអាចច្រៀងបាន ត្បិតកូនស្រីជា Fan ម្នាក់របស់តារាចម្រៀងចង្វាក់ Country រូបនេះ។ វីដេអូនេះត្រូវបានស្ថាប័នប៉ូលិសខាងលើមើលឃើញ ពេលយកមកបើកមើលសកម្មភាពប៉ូលិសពេលបំពេញភារកិច្ច។

មើលវីដេអូចាក់ក្បាច់របស់នាយប៉ូលិសម្នាក់នេះមើល៍ ឡូយអត់?

http://youtu.be/8XFBUM8dMqw

មានប្រិយមិត្តណាខ្លះធ្លាប់ធ្វើបែបនេះពេលនៅតែឯង?

អាន៖ Clara ពាក់កណ្ដាលស្រាត លើទស្សនាវដ្ដី ‘GQ Taiwan’

ប្រែសម្រួល៖ សីហា ប្រភព៖ eonline